Европа
(Видео) Литвански антигеј-пратеник снимен со гол маж за време на онлајн-седница
Истакнат литвански пратеник, познат по своите ставови против нетрадиционалните бракови и ЛГБТ-правата, беше уловен со гол маж во својот дом кога не сакајќи ја вклучил камерата додека учествувал на онлајн-парламентарна средба.
Случајот со Петрас Гражулис, пратеник од десничарската Партија на редот и правдата, бил забележан на кусо видео од седницата на комитет од собранието, објави „Раша тудеј“.
На снимката, која сега веќе е широкораспространета на интернет, зад политичарот се појавува гол човек, кој зад неговото рамо гледа во екранот.
Претседателот на комитетот предупредил дека настанот може да предизвика проблеми за парламентот додавајќи дека главното прашање е зошто тие се полуголи во текот на работното време.
„Секако дека можеме да кажеме дека се работи за нечиј личен живот, но конкретно оваа личност е поврзана со парламентарен состанок“, рече Витаутас Јуозапаитис.
Пратеникот првично тврдеше дека човекот е негов син. Сепак, тој очигледно ја сменил својата приказна, потоа тврдејќи дека тоа всушност е новинар по име Андриус Тапинас, кој, според неговите зборови, го прогонувал веќе подолго време. И покрај фактот дека човекот во видеото не личи на Тапинас, политичарот имплицира дека тој го сменил изгледот или ја монтирал неговата појава за време на состанокот во живо.
„Ме прогонува насекаде, не е ни чудо што ме стигна и овде“, додал Гражулис.
Пратеникот е познат како најпосветен анти-ЛГБТ законодавец во земјата, а во 2012 година рече дека сите хомосексуалци треба да ја напуштат Литванија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.