Свет
„Атлантик“: Луѓето ќе умираат поради пренатрупани болници
Многу показатели сугерираат дека следното лето ќе биде радосно и просперитетно и дека луѓето повторно ќе се собираат на отворено и во затворено. Но, ќе ги има помалку бидејќи ќе умрат десетици илјадиу Американци, кои можело да бидат спасени, пишува американскиот магазин „Атлантик“.
Многу докази укажуваат на тоа дека се остварува еден од најлошите стравови од пандемијата – дека болниците ќе бидат преплавени, што ќе доведе до непотребни смртни случаи. Американците што денес умираат од Ковид-19 би можеле да преживеат ако не се разболеа пред еден месец.
Бројот на хоспитализирани пациенти се зголемува речиси секој ден. Од 1 ноември бројот на пациенти со Ковид-19 во болниците е двојно поголем, а од 1 октомври тројно.
Во меѓувреме, здравствените работници се загрижени дека болниците набргу ќе бидат преполни.
„Здравствениот систем во Ајова ќе се распадне, без сомнение“, изјави еден инфектолог за „Атлантик“ на почетокот на ноември.
Следната недела лекар на интензивната нега во Небраска предупреди: „Претпоставката дека секогаш ќе имаме еден болнички кревет за вас е неточна“.
Оваа катастрофа се чини дека е на повидок не само во Ајова и Небраска, туку и во цела Америка. Националното распаѓање на болничкиот систем сега може да се види и во податоците на коронавирусот. Со недели бројот на хоспитализирани лица од Ковид-19 беше приближно 3,5 проценти од вкупниот број случаи претходната недела. Сепак, бројот на случаи во вкупниот број хоспитализации сега се намалува, наведува магазинот.
Просечен Американец со Ковид-19 примен во болница денеска, веројатно е поболен од некој со Ковид-19 на крајот од летото. Ова не е затоа што лекарите и медицинските сестри станале посурови, пишува „Атлантик“, туку едноставно затоа што им снемува болнички кревети и затоа е потребно да се заостри критериумот за прием во болница.
Се предвидува дека првите дози на вакцината речиси сигурно ќе пристигнат до Божик. Десетици милиони Американци би можеле да имаат имунитет во рок од осум недели, а до крајот на февруари околу 100 милиони Американци ќе бидат имуни.
Сепак, квалитетот на здравствената заштита ќе се влоши пред тоа, а на пациентите на кои им требаат болнички кревети од која било друга причина – срцев удар или скршеница на ногата – тешко ќе стигнат до нив. Многу луѓе ќе страдаат и ќе умрат непотребно, предупредува магазинот „Атлантик“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тепачка во српскиот парламент
Во српскиот парламент дошло до физичка пресметка кога опозиционерите првин кренале транспаренти по усвојувањето на дневниот ред, а потоа се обиделе физички да го спречат почетокот на расправата кога пристигнале владините членови.
Претставниците на владејачкото мнозинство на Вучиќ застанале во еден вид жив ѕид околу говорницата, при што имало жестока расправија, пишуваат тамошните медиуми.
Пратениците од опозицијата им извикуваа „убијци, убијци“ мислејќи на катастрофата во Нови Сад, каде што 15 лица загинаа при падот на натстрешникот на реконструираната станица, што доведе до серија протести во Србија, пренесуваат медиумите во регионот.
SNS.Sramota Srbijeje razvila transparent da oni grade a žuti kradu. O Sunce ti kalajisano……….!
Je li ovo prerijsko goveče što se tiče u Skupštini. pic.twitter.com/QKObClnvhN— Darko@Darko0209 (@darko02091) November 25, 2024
Претседателката на Собранието, Ана Брнабиќ, го повика обезбедувањето да влезе во салата, кое се обиде да ги смири пратениците.
Funkcioner i narodni poslanik Srpske napredne stranke Igor Bečić nasrnuo je u skupštinskoj sali na poslanicu @SlobodaIPravda – @MarinikaTepic! pic.twitter.com/lbicotJGse
— TV N1 Beograd (@n1srbija) November 25, 2024
Брнабиќ потоа ги повика пратениците да се вратат во своите клупи.
Според написите, тие набргу се вратиле, но дискусијата не продолжи, пратениците од опозицијата продолжија да стојат и да извикуваат „убијци, убијци“.
Свет
Си-ен-ен: Нетанјаху го прифати примирјето со Хезболах
Израелскиот премиер Бенјамин Нетанјаху начелно го прифати прекинот на огнот со Хезболах, јавува Си-eн-eн.
Израел останува цврсто затворен за некои одредби од договорот, кои се очекува да бидат доставени до либанските власти подоцна во текот на денот, според извор на Си-ен-ен.
За овие и други детали сè уште се преговара и многубројни извори наведуваат дека договорот нема да биде конечен додека не се решат сите прашања. Договорот за прекин на огнот мора да биде потврден од израелската влада, според написите во медиумот.
Извор запознаен со текот на преговорите за Си-ен-ен наведува дека разговорите се движат во вистинска насока и позитивно кон постигнување договор, иако Израел и Хезболах продолжуваат да разменуваат оган, што може да ги забави преговорите.
Американскиот претставник Амос Хохштајн минатата недела рече дека договорот за прекин на огнот е на дофат, но дека конечната одлука е на страните во конфликтот.
Тој разговараше со либанскиот премиер Наџиб Микати и со претседателот на парламентот Набих Бери како посредник на Хезболах во разговорите.
Свет
Меркел: Војната во Украина ќе почнеше порано доколку Киев влезеше во НАТО во 2008 година
Поранешната германска канцеларка Ангела Меркел изјави дека верува оти војната во Украина би почнала порано и веројатно ќе беше полоша доколку Киев го почнеше патот кон членство во НАТО во 2008 година.
„Ќе гледавме воен конфликт и порано. Мене ми беше сосема јасно дека претседателот Путин нема да стои со скрстени раце и да гледа како Украина му се приклучува на НАТО. И тогаш Украина како земја сигурно нема да биде подготвена како во февруари 2022 година“, изјави таа за Би-би-си.
Во интервју, откога се повлече од политиката пред три години, Меркел изрази загриженост поради обновените закани на Путин за употреба на нуклеарно оружје.
„Мораме да направиме сè што е можно за да ја спречиме употребата на нуклеарно оружје. За среќа, Кина неодамна зборуваше за тоа. Не треба да нè парализира стравот, но мора да признаеме дека Русија е најголемата или, веднаш до САД, една од двете најголеми нуклеарни сили во светот. Потенцијалот е застрашувачки“, предупреди поранешната германска канцеларка.
Таа изјави дека за време на нејзиниот мандат направила сè што е во нејзина моќ за да обезбеди мирни средства за соработка со Русија и дека Путин ја почнал инвазијата на Украина само неколку месеци откако таа ја напуштила функцијата.
Би-би-си наведува дека за време на владата на Меркел, Германија и нејзините големи индустрии станале зависни од Москва, а Германија изградила два гасовода директно поврзани со Русија, пренесува „Танјуг“.
Меркел објасни дека има два мотива во однос на гасоводите: германски бизнис-интереси, но и одржување мирни односи со Русија.
Таа додаде дека се обидела да ги спречи руските напади врз Украина користејќи дипломатија и преговори, кои, како што рече, „на крајот не успеале“.
„За жал, по целосната инвазија на Украина, почна нова ера во односите на Европа со Русија“, нагласи германската канцеларка.