Американските воени сили се обидел во тајна мисија во Сирија да го ослободат американскиот новинар Џејмс Фоли и други Американци кои се земени во заложништво, но вооружениот судир со џихадистите до Исламската држава завршило со сознанието дека заложниците не биле таму, потврдија американски функционери.
 

Американските воени сили се обидел во тајна мисија во Сирија да го ослободат американскиот новинар Џејмс Фоли и други Американци кои се земени во заложништво, но вооружениот судир со џихадистите до Исламската држава завршило со сознанието дека заложниците не биле таму, потврдија американски функционери.

Операцијата што ја одобрил американскиот претседател Барак Обама, врз основа на разузнавачки информации,била изведена претходно ова лето. Американски функционери ја признаа оваа операција ден откако беше објавена видеоснимка си наслов „Порака до Америка“ (A Message To America) на којашто маскиран припадник на џихадистичката Исламска држава го погубува 39-годишниот американски новинар Џејмс Фоли. Тој известуваше за AFP од сириската граѓанска војна, а на 22-ри ноември 2012 година беше грабнат во близина на сириско-турската граница крај градот Рафаназ во северната сириска провинција Идлиб за време на репортажа заедно со негов колега кој исто така беше киднапиран. На снимката џихадист кој зборува со изразен британски акцент се заканува и со погубување на вториот Американец, Стивен Сотлофф, новинар на Time, како одговор на американските воени удари.

Како што пренесува Reuters, американските функционери не сакале да одговорат кога точно била изведена споменатата операција, но рекле дека тоа се случило во последните неколку седмици.

Американските специјалци и другиот воен персонал биле префрлени со хеликоптери и авиони на територијата на Сирија на којашто се верувало дека се кријат заложниците и тамо се судриле со борците на Исламската држава. Во борбата биле убиени повеќе џихадисти и според процените станува збор за првиот судир на копно меѓу американските воени сили и милитантите од Исламската држава.

„Имавме неколку извештаи кои ни дозволуваа да преземеме операција“, рекол за The Washington Post извор од американската администрација. Според него, „војниците дејствувале многу агресивно и многу брзо“. „За жал, операцијата беше неуспешна, бидејќи на местото каде што таа се спроведуваше немаше заложници“, додал соговорникот. Весникот, исто така, истакнува дека изворот „не ги прецизирал имињата и бројот на заложниците, коишто, како што се претпоставува, биле држени заедно со Фоли“.

Советничката на американскиот претседател Барак Обама за контратероризам, Лиза Монако во соопштението наведе дека претседателот ја одобрил операцијата поради тоа што проценил дека опасноста за заложниците е поголема со секој изминат ден. „Владата на САД располагала со нешто што го сметавме за задоволителен разузнавачки податок и кога се укажа можност, претседателот го овласти министерството за одбрана за агресивна акција за ослободување на нашите државјани. За жал, мисијата не беше успешна, бидејќи заложниците не беа таму“, наведува Монако.

Советот за национална безбедноста на Белата куќа подоцна објави дека немало намера кога и да е да биде откриена таа операција, меѓутоа дека тоа е сторено откако станало очигледно дека сé поголем број американските медиуми се подготвени да пишуваат за неа. „Поради грижата за безбедноста на заложниците и за сигурноста на операцијата, императивно беше да ја задржиме во тајност што е можно повеќе“, се наведува во соопштението на Советот.

Семејствата на заложниците биле известени за операцијата, меѓутоа дури откако тоа било сигурно. Портпаролот на Пентагон, Џон Кирби изјави дека мисијата била насочена на одредена мрежа во склопот на милитантните групи на Исламската држава. „САД нема да толерираат грабнувања на наши луѓе и неуморно ќе работат на обезбедување на сигурноста на нашите државјани и на тоа нивните грабнувачи да одговараат“, изјави Кирби.

Американските медиуми објавија дека грабнувачите на 13-ти август испратиле порака на семејството на Фоли дека ќе биде погубен во знак на одмазда поради американските воздушни напади против џихадистите од Исламската држава. Семејството пораката ја проследило до американското министерство за надворешни работи и со помош на Федералното биро за истраги (FBI) бил составен одговор со кој грабнувачите ги моли за милост и се наведува дека новинарот Џејмс Фоли е невин новинар кој го почитува народ во Сирија во која е држен во заложништво./крај/мф/сн

Извор: Макфакс