Спорт
Конечна разврска во Б-групата

Вечерва завршува првата фаза во Лигата на шампионите. На програмата се натпреварите во групите А, Б, Ц и Д. Најнеизвесно е во Б-групата, каде што сите тимови имаат шанси да се пласираат во осмина-финалето, а во групите А и Д ќе биде решено кои тимови ќе го освојат второто место.
Вечерашната програма ќе почне со натпреварите во Д-групата, во 18.55 часот. Во оваа група првото место го обезбеди Ливерпул, за второто во директен дуел ќе решаваат Ајакс и Аталанта. Ајакс само со победа може да го освои второто место. Првиот меч во Бергамо заврши без победник 2:2.
Слична е ситуацијата и во А-групата. Баерн е прв на табелата, а за второто место се борат Салцбург и Ателтико Мадрид. На „јорганџиите“ им игра и нерешен резултат за освојување на второто место. Свои сметки има и Локомотив Москва. Рускиот тим може да заврши на третото место, но само доколку победи во Минхен, а Слацбург не победи во дуелот со Атлетико.
Последното коло ќе ја реши ситуацијата во Б-групата. Во најдобра позиција се фудбалерите на Борусија Менхенгладбах. Тие сигурно ќе се пласираат во осмина-финалето доколку останат непоразени во Мадрид против Реал. Борусија може понатаму и со пораз, но во тој случај Интер и Шахтјор треба да одиграат нерешено.
Шахтјор ќе оди понатаму доколку го победи Интер, а може да стигне до нокаут-рундата и со реми, но тогаш Реал не смее да ја победи Борусија.
Реал ќе биде сигурн патник во наредната рунда доколку забележи победа над Борусија, со нерешен резултат оди понатаму само доколку Интер го победи Шахтјор.
Интер за пласман во осмина-финалето треба да го победи Шахтјор и да се надева дека на натпреварот во Мадрид ќе има победник.
Манчестер сити во минатото коло го обезбеди првото место во Ц-групата. Второто место е резервирано за Порто. Во групата Олимпијакос и Марсеј се борат за третото место. Грчкиот тим е во подобра позиција и треба да освои ист број на поени како и Марсеј за да продолжи во Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пресврт – Бразилците се во преговори со Анчелоти

Претставници на Бразилската фудбалска конфедерација (CBF) преговараат со Карло Анчелоти, но тие разговори се комплицирани од фактот дека италијанскиот тренер има договор за уште една сезона со Реал Мадрид, потврдија два анонимни извори од CBF за агенцијата АП.
Еден извор изјави дека претседателот на Кофедерацјата, Едналдо Родригез, и директорот на репрезентацијата, Родриго Каетано, учествуваат во преговорите со Анчелоти.
Бразил е без селектор од 28 март, бидејќи Доривал Жуниор беше отпуштен три дена по поразот од Аргентина (1:4) во Буенос Аирес.
„И тие ги држат преговорите под контрола. Јасно е дека засега нема договор со никого“, изјави изворот за АП, додавајќи дека CBF „не брза“.
Тој призна дека во Бразил се надеваат дека ќе добијат нов селектор на фудбалската репрезентација пред 20 мај, кога треба да биде објавен составот за двата квалификациски натпревари за Светското првенство во 2026 година, кое ќе се игра во јуни.
АП наведува дека бразилските медиуми објавија дека Португалецот Жорж Жесус, кој моментално е тренер на Ал Хилал, е алтернатива доколку преговорите со Анчелоти не успеат.
Спорт
(Видео) Клиперси изедначија против Денвер, ќе се игра мајсторка за пласман во четвртфиналето

Лос Анџелес Клиперс ги победија Денвер Нагетс со 111:105 iизминатата ноќ и се изборија за мајсторка. Резултатот во серијата е 3:3, а седмиот натпревар ќе се одигра во ноќта меѓу сабота и недела во Денвер.
Нагетсите повторно беа предводени од српскиот центар Никола Јокиќ кој постигна 25 поени, но 15 реализира во втората четвртина и речиси никаде го немаше во второто полувреме.
Тој постигна само три поени во третата и само два во четвртата четвртина. Покрај Никола Јокиќ, се истакна и Џамал Мареј со 21 поен и 8 скока и асистенции, додека Арон Гордон имаше 19 поени и 5 скока, Кристијан Браун имаше 14, а Расел Вестбрук имаше исто толку со 10 скока и 6 асистенции.
Победничкиот тим на Клиперси го предводеше Џејмс Харден со 28 поени, 6 скока и 8 асистенции, додека Кавај Ленард постигна 27 поени, имаше 10 скока и 5 асистенции.
Норман Пауел исто така беше одличен со 24 поени, а Ивица Зубац имаше 10 и 6 скока.
Спорт
(Видео) Челси убедлив во Шведска, Бетис со гол предност пред реваншот во Фиренца

Фудбалерите на Челзи и Бетис победија во првите полуфинални натпревари од Конференциската лига.
Челзи славеше победа од 4:1 на гостувањето кај Ѓургарден и веќе е во финалето, додека Бетис ја победи Фиорентина со 2.1
Челси по првиот дел зачекори во финалето, кога на семафорот стоеше 2:0.
Стрелец на првиот гол беше Санчо во 13-тата минута, а на вториот Мадуеке на две минути пред крајот на регуларниот дел.
Во вториот дел Џексон постигна два гола во 59-та и 65-та минута, а честа на домашниот тим ја спаси Алемењеху Мулугета во 68-та минута.
Во вториот полуфинален натпревар, Бетис ја победи Фиорентина на домашен терен со 2:1.
Значајна, но не и недостижна предност постигна шпанскиот тим, благодарение на Езалзули и Антонио.
Головите ги постигнаа во шестата и 64-та, а Раниери ја преполови предноста во 73-тата минута и ги остави „Виола“во живот пред реваншот.
Реванш натпреварите во Лондон, односно Фиренца, се закажани за една недела, на 8 мај.