Службениците на Министерството за внатрешни работи во соработка со инспектори на Управата за јавни приходи и Државниот пазарен инспекторат во петокот навечер на подрачје на СВР Скопје извршија контроли во вкупно 13 угостителски објекти, при што два се затворени, само во три нема неправилности, а за другите се утврдени неправилности е и им изречена соодветна глоба.

Во три угостителски објекта не се утврдени никакви неправилности и тоа во ТД „Бато-Маџо ДООЕЛ“ – подружница „Лезет“, улицата „Пролет“, „ДУТ Олд грипс паб“ ДОО Скопје– подружница „Пивара Стар град“ лоцирана на улица „Градиште“ во Старата чаршија и ДПТУ „Боними компани Јосип“ ДООЕЛ Скопје на улицата „Октомвриска Револуција“.

Според извештајот на МВР, ресторанот „Болеро – Под Кале“, е затворен од сопственикот, во ресторан „Ла Тана“ на улицата „Пролет“, објектот нема да врши дејност до 7-ми јануари, додека, пак, во ресторан „Мечос Пица“, контролата не била извршена, поради претходно издадено решение за забрана на вршење дејност од страна на УЈП на 31-ви декември.

Во „Алпласт ДООЕЛ“, подружница „Бастион“ на улицата „Пиринска“ при извршената контрола е утврдено дека се пушело во објектот, за што од страна на Државнито пазарен инспекторат е изречено платен налог за глоба во износ од 1.250 евра во денарска противвредност.

Потоа во „Бутлегз ДОО“ подружница „Соломатик“ на улица „Отон Жупанчиќ“, при контролата од страна на Управата за јавни приходи е утврдено несогласување на дневниот пазар евидентиран со фискалниот апарат, за што е изречен платен налог за глоба во висина од 2.500 евра за правното лице и 750 евра за одговорното лице во правното лице, а донесено е и Решение за забрана за вршење дејност во предметниот објект во времетраење од 15 дена.

Во „Кала кафе плус“ ДОО Скопје на улицата „Аминта Трети“ со контролата е констатирано е дека работело едно непријавено за вработено лице, за што до трудова инспекција ќе следи известување, а од страна на Пазарна инспекција поради немање натпис на локалот „забрането точење алкохол на малолетни лица“ изрече и мерка едукација на управителот.

Непријавено лице е регистрирано и во „ДУ-Кафеана Калабалак“ ДООЕЛ Скопје на улицата „Пролетер“, за што ќе следи известување до Трудова инспекција.

Во контролата на „Клан“ ДООЕЛ експорт-импорт Скопје, подружница „Калабрија“ на „Качанички пат“ утврдени се неправилности од страна на Управата за јавни приходи односно не е евидентиран дневен промет на фискален апарат, за што е изречен платен налог за глоба во вкупен износ од 3.250 евра од кои 2.500 евра за правното лице и 750 евра за одговорното лице во правното лице. Издадено е, исто така, и решение од страна на УЈП за забрана за вршење на дејност во времетраење од 15 дена а констатирано е и дека има едно непријавено лице за вработено, за што ќе следи допис до Трудова инспекција.

Во „ДППУ Идеа“ ДООЕЛ Тетово, подружница „Тиволи брх“ на улицата „Крсте Мисирков“ во Скопје, при контролата од страна на УЈП е констатирано неусогласеност со дневниот промет на фискалниот апарат, при што во касата се пронајдени помалку средства од фискално евидентираните, за што на управителот му е издаден налог за порамнување во просториите на УЈП. Истовремено при вршењето на контролата во објектот се затекнати лица кои пушеле цигари, за што од страна на МВР се издадени платни налози за глоба во износ од 150 евра, а од страна на Државниот пазарен инспекторат на управителот му е издадена покана за порамнување во просториите на ДПИ на износ од 1.250 евра, пушење цигари во затворен објект.

При контролата на „ДУПТУ Маратонец ЈМБ“ ДООЕЛ Скопје на булеварот „Јане Сандански“, утврдени се неправилности, при што од Државниот пазарен инспекторат е изречена глоба во вкупен износ од 1.500 евра и тоа 1.200 евра за правното лице, 300 евра за одговорното лице во правното лице, поради неутврдување на нормативите на храна, а додека од УЈП поради нерегистрирање на готовински промет на фискален апарат, му е издаден платен налог за глоба во вкупен износ од 3.250 евра од кои 2.500 евра за правното лице и 750 евра за одговорното лице во правното лице. Истовремено е издадено решение за привремена забрана за вршење на дејност во времетраење од три дена./крај/мф/сн