Спорт
Хрватките не знаат за пораз, Русинките се намачија со Црна Гора
Хрватската ракометна репрезентација ја забележа и четвртата победа во низа на Европското првенство во Данска и Норвешка, откако со 25:20 ги победија Романките за искачување на првото место во групата 2 во втората фаза на шампионатот. Црна Гора пак, повторно се бореше до крај, но повторно беше поразена, овојпат од едни од фаворитките за медал, Русинките со 24:23.
Хрватска успеа да се врати од раната негатива од четири гола, за да не дозволи враќање на Романките, кои се на последното место во групата без пренесени поени од првата рунда. Валентина Блажевиќ беше најрасположена за игра со 7 гола, а по четири додадоа Јежиќ, Лариса Калаус и Мицијевиќ. Шесте гола на Кристина Неагу не беа доволни за Романките.
Црногорките предводени од осумте одбрани на голманката Мартина Батиновиќ во првото полувреме беа израмнети со Русија на 14:14, но во последните десет минути од мечот, Дарја Дмитриева одбрани два пенали, а Олга Фомина постигна два гола, за тие да се одвојат на 24:20 на четири минути пред крајот. И покрај импресивниот камбек, Црногорките дојдоа само на гол разлика 24:23. Ведехина, Самохина и Фомина имаа по четири гола за Русија, додека Јелена Деспотовиќ со седум гола беше најефикасна кај Црна Гора.
ЕВРОПСКО ПРВЕНСТВО, ВТОРА ФАЗА
ГРУПА 1
Русија – Црна Гора 24:23 (13:13)
Франција – Шпанија 20.30 ч.
Табела: 1.Русија 6, 2.Франција 4, 3. Данска 2, 4.Шведска 1, 5.Шпанија 1, 6.Црна Гора 0
ГРУПА 2
Хрватска – Романија 25:20 (14:10)
Холандија – Норвешка 20.30 ч.
Табела: 1.Хрватска 6, 2.Норвешка 4, 3.Холандија 2, 4.Германија 2, 5.Унгарија 0, 6.Романија 0
HALF-TIME: @HRStwitt ?? fought back from a four-goal deficit to go into the break 14:10 ahead of #Romania ??. Here’s the seven-goal run that did it!#ehfeuro2020 #handballispassion pic.twitter.com/81Seaqd4n6
— EHF EURO (@EHFEURO) December 10, 2020
WATCH: Another superb game tonight from Larissa Kalaus @HRStwitt ?? ?#ehfeuro2020 #handballispassion pic.twitter.com/ByZu8uSp2j
— EHF EURO (@EHFEURO) December 10, 2020
WATCH: A high kick from Marta Batinovic as @rukometnisavez ?? start strong vs @rushandball ??#ehfeuro2020 #handballispassion pic.twitter.com/sEhpiFfXH7
— EHF EURO (@EHFEURO) December 10, 2020
WATCH: ? corner shot by Kristina Kozokhar for @rushandball ??#ehfeuro2020 #handballispassion pic.twitter.com/seJI3usN3M
— EHF EURO (@EHFEURO) December 10, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо заработи жолт картон поради лаптопот
Фудбалерите на Фенербахче како гасти славеа над Аланија со 2:0. По овој натпревар Фенербагхче се вторио на табелата со 16 поени, три помалку од Галатасарај.
Натпреварот го обележа Жозе Мурињо кој смисли нов начин како да го испровоцира главниот судија и да добие жолт картон.
Во 78.минута, незадоволен од една судиска одлука, темпераментниот Португалец, пред една од камерите на лаптоп ја пушти според него спорната ситуација.
Главниот судија Џихан Ајдин, веднаш му покажа жолт картон.
Фенербахче победи со головите на Душан Тадиќ во 63. минута и Кевин Талисон (автогол) во 81. минута.
Jose Mourinho got booked for showing the TV Cameras the referee’s bad decision on his laptop pic.twitter.com/JLCKTsb0M7
— Troll Football (@TrollFootball) September 29, 2024
Спорт
(Видео) Лудница во дерби „Мадрилењо“ – Кореа во 95.минута не дозволи Реал да слави над Атлетико
Фудбалерите на Атлетико и Реал одиграа 1:1 во градското дерби во во осмото коло од шпанската Ла Лига.
Ниту еден од тимовите не го искористи на најдобар можен начин вчерашниот пораз на Барселона од Осасуна.
Актуелниот шампион сега е на втората позиција со 18 бодови, три помалку од Барса, додека Атлетико е трет со 16 бодови на своето конто.
Вечерва во „мадрилењо“ имаше бууквално се. Натпреварот се играше во високо темпо, Реал беше за нијанса поконкретен, но играчите на Карло Анчелоти сите добри шанси ги имаа кога шутираа надвор од шеснаесетникот. Атлетико добра шанса имаше во раната фаза од натпреварот, кога ударот на Алварез го одбрани Куртоа, а потоа во последните десетна минути домаќинот креираше неколку опасни акции.
Дербито за малку ќе го решеше Едер Милитао во 64. минута, со гол кој пристигна по акција од сомнително досуден слободен удар. Пет минути по постигнатиот гол судијата ги испрати играчите во соблекувалната.
Домашните навивачи паднаа на малата провокација од голмаот Куртоа (во кариерата има одиграно 111 натпревари за Атлетико). Тие фрлаа со запалки кон голманот на Реал.
Madrid derby suspended because Atletico Madrid fans were throwing objects at Courtoispic.twitter.com/BK0fhUQwif
— Total Football (@TotalFootbol) September 29, 2024
Делириум на „Сивитас Метрополитано“ предизвика голот на Анхел Кореа во 95.минута. Голот најпрвин беше поништен, но од ВАР собата потврдија дека Аргентинецот не бил во офсајд.
Кореа како и Милитао го постигна својот прв гол во градските пресметки. Интересно, ова е негов 55. гол во дресот на Атлетико, а кога тој бил стрелец „јорганџиите“ никога не загубиле натпревар.
На крајот во последниот напад на Реал црвен картон доби Маркос Љоренте поради грб старт врз Фран Гарсија.
Спорт
(Видео) Ѓоковиќ играше тенис на Кинескиот ѕид
Новак Ѓоковиќ одигра рекреативен меч на Кинескиот ѕид. Ѓоковиќ пристигна во Кина каде од следната недела ќе игра на Мастерсот во Шангај.
Локалните медиуми јавуваат дека Ѓоковиќ бил дел од настапот на Кинескиот ѕид како дел од промоцијата на брендот „Лакост“, чиј заштитно лице е. Во текот на денот Ѓоковиќ им се обрати на навивачите во Кина.
Nole playing tennis on the Great Wall of China 😍pic.twitter.com/Ttf9cF44IN
— ᖴᖇᗩᑎI (@frani2312) September 29, 2024
„По пет години сум во Кина, ми недостигавте. Многу, многу ми е жал што не се видовме на аеродром, ме однесоа на спореден излез, но се надевам дека ќе видам многу од вас или во Пекинг или во Шангај. Многу сум возбуден што сум овде во Кина, пред се поради вас кои ми пруживте неверојатна љубов сите овие години“, изјави Ѓоковиќ.
Мастерсот во Шангај ќе се игра од 2 до 13 октомври.
yibo couldn’t stop smiling when novak djokovic said that his match with him is the most unforgettable and he kept praising him 🥹🥹🫶🏻 pic.twitter.com/7nTmSH7NUA
— rach (@ybaizhan) September 29, 2024