Спорт
ЛЕ: Хауге пак „блесна“ за Милан, Тотенхем и Динамо Загреб завршија со победи
Милан, Тотенхем и Динамо Загреб беа меѓу клубовите кои ја комплетираа групната фаза во Лига Европа со победи и сега ја чекаат ждрепката и противниците во првата нокаут фаза.
Милан гостуваше во Прага кај Спарта како веќе квалификуван тим и со мали шанси да го освојат првото место во групата, така што тренерот Стефано Пиоли се реши за помлад тим. Сепак, повторно човек на одлука беше Јенс Петер Хауге, кој се покажува клучен за „росонерите“, откако постигна фантастичен гол во првото полувреме.
Тотенхем, пак, го освои првото место во својата група, откако со 2:0 го совлада Антверпен во Лондон благодарение на головите во второто полувреме на Карлос Винисуис и Џовани Ло Селсо, а и вториот премиерлигаш, Лестер го обезбеди првото место со 2:0 победа над АЕК, откако постигнаа два гола во две минути на стартот на мечот (12. и 14. минута) преку Џенгиз Ундер и Харви Барнс.
Динамо Загреб ја комплетираше можеби најдобрата есен во Европа, откако со 3:1 го совладаа тимот на ЦСКА Москва за да го обезбедат првото место во својата група со 4 победи и 2 ремија!
ЛИГА ЕВРОПА, 6.КОЛО
ГРУПА Г
Брага – Зорја Луханск 2:0
Лестер – АЕК 2:0
Конечна табела: 1.Лестер 13, 2.Брага 13, 3.Зорја 6, 4.АЕК 3
ГРУПА Х
Селтик – Лил 3:2
Спарта Прага – Милан 0:1
Конечна табела: 1.Милан 13, 2.Лил 11, 3.Спарта П. 6, Селтик 4
ГРУПА И
Макаби Тел Авив – Сиваспор 1:0
Вилјареал – Карабаг, одложено
Конечна табела: 1.Вилјареал 13, 2.Макаби Т.А. 11, 3.Сиваспор 6, 4.Карабаг 1
ГРУПА Ј
Лудогорец – ЛАСК Линц 1:3
Тотенхем – Антверпен 2:0
Конечна табела:1.Тотенхем 10, 2.Антверпен 12, 3.ЛАСК 10, 4.Лудогорец 0
ГРУПА К
Динамо Загреб – ЦСКА Москва 3:1
Волфсбергер – Феенорд 1:0
Конечна табела: 1.Динамо З. 14, 2.Волфсбергер 10, 3.Феенорд 5, 4.ЦСКА М. 3
ГРУПА Л
Хофенхајм – Гент 4:1
Слован Либерец – Црвена звезда 0:0
Конечна табела: 1.Хофенхајм 16, 2.Ц.Звезда 11, 3.Либерец 7, 4.Гент 0
СПАРТА П. – МИЛАН
ТОТЕНХЕМ – АНТВЕРПЕН
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда повторно е шампион на Србија
Фото/ Starsport
Фудбалерите на Црвена звезда на четири кола до крајот на сезоната во Супер лигата на Србија, математички ја обезбедија шампионската титула, седма во низа и 35. во клупската историја.
Црвена звезда, во 33.коло на стадионот „Рајко Митиќ“ го совлада ТСЦ со 2:1. На четири кола пред шампионатот има недостижни 14 бода повеќе најголемиот ривал Партизан, кој во ова коло загуби на домашен терен од Војводина со 2:3..
Сите погодоци во на натпреварот во Белград беа постигнати во вториот дел, Олајинка погоди во 55.минута за 1:0, израмни Милосављевиќ пет минути подоцна. Во 75. минута Ндиаје ги постави конечните 2:1 за големо славје на црвено-белите.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024