Спорт
Лион го освои „Паркот на принцовите“, посериозна повреда на Нејмар!
Лион успеа да стигне до славна 0:1 победа на гостувањето кај Пари Сен-Жермен, за да осигура францускиот шампион да биде симнат од првото место во Лига 1.
Тино Кадевере го постигна единствениот гол на мечот во 34. минута по несфатливата грешка на одбраната на ПСЖ, за Лион да се израмни со првопласираниот Лил на 29 поени во Франција, додека ПСЖ се само трети со 28 поени.
Уште поинтересно, Марсеј се четврти со 27 поени, и дури два натпревари помалку, најавувајќи, конечно, малку возбуда околу борбата за врвот во лигата во која подолго време доминира гигантот од Париз.
Грижите за тренерот Томас Тухел може и да се поголеми, откако Нејмар доби посериозна повреда на скочниот зглоб по еден груб фаул на Енрике во финишот на мечот, и мораше да биде изнесен на носилки.
The incident that caused Neymar’s injury #PSG pic.twitter.com/CTNyzblLBY
— ??? (@SGoldy_______) December 13, 2020
Neymar in tears after going down injured #PSGOL pic.twitter.com/LQtSekT1up
— Football 24/7 (@Foet247Europe) December 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.
Спорт
(Видео) Каљари избори опстанок во Серија А
Фудбалерите на Сасуоло загубија на домашен терен од Каљари со 2:0. Екипата од Сардинија, која од клупата ја предводи Клаудио Раниери де на коло пред крајот дефинитивно обезбеди опстанок во Серија А.
За разлика од Каљари, Сасуоло во последното коло гостува кај Лацио, а ниту победа не му гарантира опстанок.
До победата Каљари го предводеа Матео Прати, кој ја погоди мрежата на домаќините во 72. минута и Џанлука Лападула, кој погоди од пенал во судиското надополнување.
Ова беше прва победа на Каљари по пет кола.
Тимот од Сардинија сега има четири бода повеќе од Фросиноне и Емполи, а седум бода повеќе од Сасуоло пред последниот натпревар сезонава.
Тимот предводен од Клаудио Раниери од клупата ќе ја пречека Фиорентина во последниот натпревар од сезоната.
Спорт
(Видео) Навивач на ПАОК го плукна Матијас Лесор
Големото дерби меѓу ПАОК и Панатинаикос во преполната сала „Палатаки“ во Солун заврши со инцидент.
Матијас Лесор бесен го напуштил паркетот, пишува порталот „СДНА“, откако го плукнал еден од навивачите на црно-белите.
Наводно, центарот на Панатинаикос со намера да се поздрави им пришол на група навивачи на Партизан, кои ги препознал меѓу поддржувачите на ПАОК, но еден од навивачите на домашната екипа го плукнал во лице.
Лесор, пишува „СДНА“, полудел и се обидел да се пресмета со навивачот, но бил задржан од соиграчите и членовите на стручниот штаб на Панатинаикос.
Овој портал наведува дека тогаш дошло до тепачка меѓу малата група навивачи од Белград и навивачите на ПАОК, но ситуацијата брзо се смирила.
Инаку навивачките групи на ПАОК и Паризан се збратимени.
Инцидентот се случи по завршувањето на вториот натпревар од четвртфиналната серија на грчкиот плеј-оф, во кој Панатинаикос го совлада ПАОК како гостин по продолжение (96:99, 89:89) и се пласираше во полуфиналето со резултат 2:0.
Oh my, oh my, fan spit Matias Lessort, and he got pretty mad. #kkp #paobc pic.twitter.com/SKy6RRpyHs
— Milos NS (@MilosNSNS) May 19, 2024