Свет
Студија: Кенгурите можат да научат да комуницираат со луѓето како и кучињата
Кенгурите можат да научат да комуницираат со луѓето на сличен начин како што тоа го прават припитомените кучиња, со упорен поглед во одредена насока барајќи помош или укажувајќи на своите потреби, покажа австралиското истражување.
Во студијата учествувале 11 кенгури кои живееле во заробеништво, но не биле припитомени.
Десет од 11-те торбари упорно и напнато гледаа во истражувачите кога не успеаја да ја отворат кутијата со храна, се вели во извештајот.
Деветмина од нив наизменично гледаа во истражувачот и во садот за храна, обидувајќи се да посочат што очекуваат.
„Ние го толкувавме нивниот гест како намерна форма на комуникација, нивно барање за помош“, изјави за „Ројтерс“ Алан Мекелигот, ирски истражувач кој ја водеше студијата.
„Вие навистина не очекувате такво однесување од дивиот свет и затоа ова беше ново изненадувачко откритие за нас“, рече тој.
Откритието го оспорува досега вообичаеното верување дека само домашните животни како кучиња, коњи или кози се во можност да комуницираат со луѓе и укажува дека многу повеќе животни би можеле да разберат како да им пренесат порака на луѓето, се вели во документот.
„Претпоставувавме дека само домашните животни бараат помош кога сакаат да посочат проблем, но се чини дека овие торбари го прават истото“, заклучи една од учесничките во студијата, Александра Грин од Универзитетот во Сиднеј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.