По повеќенеделните египетски напори да се постигне израелско-палестинска спогодба за прекин на огнот, САД во седиштето на Обединетите нации во Њујорк ги поднесоа својот предлог резолуција со којашто се одредува примирјето меѓу завојуваните страни, потврдија за Reuters дипломати кои сакале да останат анонимни.
 

По повеќенеделните египетски напори да се постигне израелско-палестинска спогодба за прекин на огнот, САД во седиштето на Обединетите нации во Њујорк ги поднесоа својот предлог резолуција со којашто се одредува примирјето меѓу завојуваните страни, потврдија за Reuters дипломати кои сакале да останат анонимни.

САД својот предлог резолуција на Советот за безбедност при Обединетите нации со кој се бара прекин на огнот во палестинската енклава Појасот Газа ја проследиле до мал број земји, меѓу кои се и три европски држави кои изработиле сопствени предлог резолуции минатата седмица, и до Јордан кој исто така во јули излезе со своја предлог резолуција.

Засилените дипломатски напори на маргините од Советот за безбедност на ОН се одвиваат во моментите кога продолжуваат израелските воздушни напади во Појасот Газа во кои секојдневно гинат десетици Палестинци, и прекуграничните ракетни напади од страна на палестинските милитанти врз јужен Израел.

Според дипломатските извори, американските функционери својот нацрт резолуција ги дале на увид на Јордан, Велика Британија, Франција и Германија. „САД го изнесоа сопствениот предлог. Битно се разликува од претходните два предлога. Сега се работи на одобрување на нацртот за да се изработи заеднички текст“, изјавил за Reuters американски дипломат во ОН кој не сакал да биде именуван.

Дипломатски извори, исто така, откриле и поединости од американскиот предлог, но неколку од нив рекле дека сам посебе тој не е прифатлив. „Она што е важно дека Американците се вклучија и дека постои залет за резолуцијата на Советот за безбедност за примирје којашто би била подобра од претходните“, рекле неименуваните соговорници на агенцијата.

И Египет, традиционалниот посредник во деценискиот изралеско-палестински конфликт, кој беше покровител и на последните повеќенеделни преговори во Каиро за прекин на огнот, исто така, бил консултиран околу американскиот предлог за резолуцијата. Според дипломатите во светската организација, САД и Израел сега се понаклонети и поотворени кон идејата Советот за безбедност да бара прекин на огнот. Израел ја започна офанзивата врз Појасот Газа на 8-ми јули, со образложение дека одговара на ракетирањата од страна на палестинското исламистичко движење Хамас.

Европската нацрт резолуција, поделена на дипломатите во ОН минатата седмица, се повикуваше на формирање набљудувачка мисија во Газа којашто би го следела почитувањето на прекинот на огнот и би помогнала во слободното движење на луѓе и стоки од блокираната енклава. Таа повикува на ширење на палестинската самоуправа, која на Западниот брег ја води претседателот Махмуд Абаз, челник на движењето Фатах, и врз Појасот Газа којашто од 2007 година по кусата војна меѓу палестинските фракции во 2007 година.

На почетокот од летото Хамас и Фатах потпишаа договор за формирање заедничка влада на национално единство, по што Израел соопшти дека пропаднал мировниот процес за трајно прекинување на непријателствата.

Јорданската резолуција којашто, пак, беше претставена во јули, не го содржеше предлогот за набљудувачка мисија./крај/мф/сн

Извор: Reuters