Црна хроника
Кумановец загина во тешка сообраќајка на патот Крива Паланка – Куманово

Кумановец утрово околу 03.45 часот загина во тешка сообраќајка што се случи на патот Крива Паланка-Куманово во близина на местото „Света Петка“, соопшти МВР.
Сообраќајката се случила кога автомобилот „голф“ во кој се наоѓале триесет и тригодишниот кумановец Дејан В. И триесетгодишен скопјанец, излетало од коловозот и се превртело.
Кумановецот починал на лице место, а скопјанецот со тешки телесни повреди бил пренесен во Ургентниот центар во Скопје.
Увидот е извршен од страна на екипа од СВР Куманово во присуство на Истражен судија и Јавен обвинител, а се работи и на утврдување кој го управувал автомобилот. /крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.