Свет
САД најавија обвинение против осомничен за бомбардирањето во Локерби во 1998 година
Американскиот државен јавен обвинител, Вилијам Бар, најави кривична пријава против третиот либиски државјанин осомничен за бомбашкиот напад на летот „103“ на „Пан Ам“ над Локерби, Шкотска, во 1988 година, пренесува „Њујорк пост“.
Наводниот изработувач на бомби, Абу Агила Масуд, кој е притворен во Либија, е обвинет во САД за терористичкиот напад во кој загинаа 270 лица, вклучувајќи 190 Американци.
Бар ги најави обвиненијата на 32-годишнина од нападот. Тој рече дека терористичкиот напад бил втор најлош во историјата на САД по тој од 11септември и дека бил насочен кон Американците.
„Се надеваме дека либиските власти ќе дозволат да му се суди на Масуд за ова злосторство во САД и дека ќе обезбедат поддршка и сведоци потребни за да го изведеме пред лицето на правдата“, рече Бар.
Бар претходно го водеше Министерството за правда од 1991 до 1993 година и рече дека за него е важно да го разгледа случајот. Тој ќе се повлече од функцијата на 23 декември.
Двајца други наводни заговорници беа судени според шкотскиот закон од специјалниот суд со седиште во Холандија во 2000 година. Еден наводен заговорник, Ламин Калифа Фимах, беше ослободен од обвинението. Другиот, Абделбасет ал-Меграхи, беше осуден на доживотен затвор. Тој беше ослободен во 2009 година поради здравствени проблеми и беше пречекан како херој во Либија пред да почине во 2012 година.
Масуд исто така, наводно, учествувал во бомбардирање танцов клуб во Западен Берлин во 1986 година, при што загинале двајца Американци.
САД ја бомбардираа Либија во 1986 година за време на владеењето на долгогодишниот диктатор Моамер Гадафи, кој беше соборен и убиен по бунтот поддржан од САД во 2011 година.
„Нема сомнение дека нападот на „Пан Ам 103“ беше насочен кон САД. И овој грозоморен напад живее неславно во колективната меморија на американскиот народ“, рече Бар.
Бар рече дека обвинението е благодарение на либиското интервју со Масуд додека тој беше притворен од властите по Гадафи. Земјата останува поделена меѓу две влади, а Масуд го држат официјални власти со седиште во Триполи.
„Според тужбата, Масуд ја направил бомбата што го уништи ‘Пан Ам 103’. По соборувањето на авионот, Гадафи лично му се заблагодарил на Масуд за овој успешен напад врз САД“, рече Бар.
Советниотк на либиската влада со седиште во Триполи, Мохамед Али Абдалах, изјави за „Фокс њуз“ дека Масуд е многу злобен човек и дека смета оти ќе им биде предаден на САД на судење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Италија го повика рускиот амбасадор поради изјавите на Захарова за кулата во Рим
Министерството за надворешни работи на Италија денес го повика на разговор рускиот амбасадор во Рим, Алексеј Парамонов, со цел да испрати официјална протестна нота поради изјавите на портпаролката на руското Министерство за надворешни работи, Марија Захарова, за уривањето на дел од историската кула Торе деи Конти во центарот на Рим, изјавија дипломатски извори за италијанската новинска агенција ANSA.
La Torre dei Conti ai Fori Imperiali, a Roma, è parzialmente crollata. Erano in corso dei lavori di ristrutturazione della torre. Sul posto sono presenti gli agenti della Polizia di Roma Capitale e sono in corso le verifiche per capire se ci siano persone coinvolte dal crollo.… pic.twitter.com/xGZjs9PkqU
— Repubblica (@repubblica) November 3, 2025
Во порака објавена на нејзиниот Телеграм канал, Захарова го поврза инцидентот со воената поддршка на Италија за Украина, наведувајќи дека „Италија целосно ќе се распадне, од економијата до нејзините кули, сè додека нејзината влада продолжува да ги расипува парите на даночните обврзници“. Таа додаде дека, според податоците од руското Министерство за надворешни работи, Италија досега издвоила 2,5 милијарди евра помош и воени придонеси за Киев, објави римскиот весник „Масаџеро“.
Италијанското Министерство за надворешни работи ги оцени изјавите на Захарова како „срамни и загрижувачки“, истакнувајќи дека тие „ја потврдуваат длабочината на вулгарноста во која западна руската политичка елита“.
„Никој во Италија не би помислил да се радува или да ја искористи трагедијата, додека народот на Италија е сè уште погоден од катастрофата“, изјавија извори од италијанското Министерство за надворешни работи за „Масаџеро“, додавајќи дека Италија останува посветена на „солидарност и пријателство со послабите, оние кои се во неволја и се нападнати, и затоа го поддржува украинскиот народ“.
Порано денес, еден работник беше хоспитализиран со сериозни повреди на главата, додека друг беше заробен под урнатините по делумното уривање на средновековна кула која се реставрира во историскиот центар на Рим.
Кулат висока 29 метри, не беше во употреба од 2006 година, но се работеше на нејзина реставрација како дел од четиригодишен проект што треба да биде завршен следната година, објавија властите во Рим.
Поради реновирачки работи, областа околу кулата беше затворена за пешаци.
Свет
Захарова: Нивните кули се уриваат, а тие продолжуваат да ја финансираат Украина
Портпаролката на руското Министерство за надворешни работи, Марија Захарова, денес, по повод уривањето на историската кула во Рим, изјави дека Италија ќе продолжи да се урива сè додека ја финансира Украина.
„Сè додека италијанската влада бесмислено ги троши парите на даночните обврзници, Италија ќе се урива, од економијата до кулите“, напиша Захарова на каналот Телеграм.
Таа потсети дека во мај италијанското Министерство за надворешни работи објави дека поддршката на земјата за Украина изнесува приближно 2,5 милијарди евра.
Како што италијанските медиуми објавија претходно денес, еден работник е хоспитализиран со сериозни повреди на главата, додека друг е заробен под урнатините по делумното уривање на средновековна кула која била во процес на реставрација во историскиот центар на Рим.
Повредениот маж бил дел од тим работници кои работеле на реставрација на оваа средновековна утврдена кула, која се наоѓа во близина на Колосеумот и Римскиот форум.
Другите двајца работници претрпеле полесни повреди, но одбиле да бидат префрлени во болница, додадоа изворите, пренесуваат италијански медиуми.
Фото: принтскрин
Свет
Велика Британија и испорача дополнителна серија ракети „Сторм Шедоу“ на Украина
Британската влада испорача нова серија крстосувачки ракети со долг дострел „Сторм Шедоу“ на Украина за напади длабоко во Русија, објави „Блумберг“, повикувајќи се на извори, без информации за бројот на испорачаните ракети.
Лондон испорача серија ракети „Сторм Шедоу“ на Киев за да се осигури дека украинските вооружени сили имаат доволно залихи пред зимата. Според изворите на агенцијата, британската влада е загрижена дека Москва може да ги интензивира своите напади во овој период. Друга причина за дополнителни испораки на британски крстосувачки ракети беше одлуката на американскиот претседател Доналд Трамп да не ги префрли американските ракети „Томахавк“ на Киев, објави „Блумберг“.
Русија одговори со напад на Украина со балистичка ракета „Орешник“ опремена со ненуклеарна хиперсонична боева глава. Според рускиот претседател Владимир Путин, еден од најголемите индустриски комплекси што произведуваат ракетна технологија и друго оружје во Днепропетровск бил погоден.
Лондон не открива кога и колку крстосувачки ракети со долг дострел биле испорачани во Киев. Во септември, британскиот премиер Кир Стармер објави дека земјите од „коалицијата на добронамерните“ се подготвени да испорачаат ракети со долг дострел на Украина, но не ги прецизираше параметрите на можните испораки.
Коментирајќи ги ваквите изјави, прес-секретарот на Путин, Дмитриј Песков, истакна дека тие се спротивни на „аспирациите за постигнување политичко решение“ на конфликтот во Украина и дека одлуките на западните земји за префрлање ракети со долг дострел на Украина се „опасни“.
Фото: принтскрин
(Видео) ДИК ги соопшти првичните официјални резултати од вториот круг на локалните избори
Државната изборна комисија попладнево ги соопшти првичните официјални резултати од вториот круг на локалните избори. Гласањето како што информираше претседателот...
Уапсен е возачот кој денеска со „пасат“ усмрти велосипедист на булеварот „Гоце Делчев“ во Скопје и побегна од местото
Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје. Тој околу 12:30 часот...
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
Трамп: Не размислувам да испратам ракети „томахавк“ во Украина
Американскиот претседател Доналд Трамп изјави дека всушност не размислува да ѝ даде на Украина крстосувачки ракети „Томахавк“ со долг дострел....
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
(Видео) Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
