Свет
Известувач на ОН со писмо од Трамп: Ве молам ослободете го Асанж
Известувачот на ООН за тортура испрати отворено писмо до американскиот претседател Доналд Трамп и го замоли да го помилува основачот на „Викиликс“, Џулијан Асанж. Како што изјави, Асанж не е „непријател на американскиот народ“.
„Ве молам, ослободете го Асанж, бидејќи тој не е и никогаш не бил непријател на американскиот народ. Неговата организација ‘Викиликс’ се бори против тајноста и корупцијата низ целиот свет и затоа дејствува во јавен интерес и на американскиот народ и на целото човештво”, напиша Нилс Мелцер. „Со помилување на Асанж, господине претседател, ќе испратите јасна порака за правда, вистина и хуманост до американскиот народ и светот. Ќе рехабилитирате храбар човек кој бил подложен на неправда, прогон и понижување повеќе од една деценија, само затоа што ја кажал вистината”, додаде тој во повикот.
Британски суд во четврток, 4 јануари, ќе одлучува за американското барање за екстрадиција на Асанж.САД сакаат да го гонат за објавување стотици илјади доверливи документи.Во пресрет на британската одлука, основачот на „Викиликс3 беше затворен во високо-безбедносниот затвор Белмарш во Лондон, каде што според Мелцер, условите се лоши.
Мелцер рече дека го посетил Асанж во затворот со двајца независни лекари и дека може да потврди дека неговото здравје значително се влошило до тој степен што неговиот живот сега е во опасност.Во писмото до Трамп, тој наведува дека 49-годишниот Австралиец има проблеми со дишењето, што го прави многу подложен на инфекција со коронавирус, која неодамна се појави во тој затвор.
Тој додава дека Асанж не хакирал и не украл ниту една од информациите што ги објавил, но ги добил од извори и автентични документи на ист начин како што работи секој друг независен и сериозен истражувачки новинар. Асанж би можел да добие 175 години затвор за објавување на повеќе од 700.000 доверливи документи за американските воени и дипломатски активности, особено во Ирак и Авганистан, од 2010 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.