Црна хроника
Два случаи на грабежи над имигранти во Македонија
Два одделни случаи на извршени грабежи над имигранти регистрирани се деновиве во Македонија, при што во едниот случај биле ограбени илегални имигранти од Мароко, а во другиот азилант од Пакистан.
Првиот случај бил регистриран во близина на битолското село Логовради, кога четворица Мароканци, кои илегално влегле во Македонија, пријавиле дека две лица со закана со пиштол им одзеле два мобилни телефони и 400 евра.По превземените мерки, полицијата открила дека разбојништвото го извеле двајца Битолчани, на возраст од 28, односно 20 години, против кои ќе биде поднесена кривична пријава.Вториот случај е регистриран во Скопје, поточно во центарот на Шуто Оризари, кога 10-15 непознати лица ограбиле едно лице од Пакистан, кој имал привремен престој во прифатниот центар за азиланти во Визбегово.Разбојништвото лицата го извршиле на тој начин што го пресретнале и му се нафрлиле, удирајќи го со боксови и клоци, а откако го собориле на земја му одзеле 500 евра, 1.200,00 денари и мобилен телефон марка „Самсунг .Полицијата презема мерки за пронаоѓање на сторителите. /крај/со/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.