Спорт
Милан не го дава врвот – драматична победа над Лацио во 92. минута
Милан успеа да го заддржи првото место во Серија А за 2020, откако Тео Ернандез во 92. минута постигна гол за драматична 3:2 победа во дербито на 14-тото коло против Лацио и покрај тоа што по првите 18 минути игра имаа 2:0 водство.
Џенова на Горан Пандев, конечно, стигна до победа, од 2:1 кај Специја во првиот меч по враќањето на тренерот Давиде Балардини во тимот. Рома се врати за 3:1 победа над Каљари, Болоња исто така извлече 2:2 реми со Аталанта иако губеше со 0:2, додека Наполи во 93. минута спасија 1:1 реми со Торино.
На „Сан Сиро“, откако прво тифозите пред стадионот со факли им посакаа среќа во последниот меч во 2020, имаше атомски старт – Анте Ребиќ во 10-тата минута и Хакан Чалханоглу во 17-тата минута постигнаа голови за 2:0 водство. Меѓутоа, Лацио прво се врати со голот на Луис Алберто во 28. минута откако Чиро Имобиле утна пенал, пред Имобиле да го постигне 12-тиот гол во 13 меча во 59. минута за израмнување. Спасител, повторно беше Тео Ернандез, откако Французинот се покажа како еден од најдобрите играчи на „росонерите“ оваа сезона, со гол во 92. минута.
Со овие резултати, Милан останува прв со 34 поени, еден пред Интер, додека на третото место Рома има 27 поени. Наполи се само петти со 25 поени, додека шампионот Јувентус е шести со 24 поени.
СЕРИЈА А, 14.КОЛО
Милан – Лацио 2:2
Рома – Каљари 3:2
Болоња – Аталанта 2:2
Наполи – Торино 1:1
Сампдорија – Сасуоло 2:3
Специја – Џенова 1:2
Удинезе – Беневенто 0:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен нема намера да го напушти Ред Бул
Четирикратниот светски шампион во Формула 1, Макс Ферстапен, во интервју за швајцарски „Блик“, изјави дека нема намера предвреме да се раздели со тимот на Ред Бул, со кој има договор до крајот на 2028 година.
Иднината на Холанѓанецот беше предмет на многу шпекулации во последните години, особено во првата половина од сезоната 2025. Се шпекулираше дека сака да го напушти Милтон Кејнс и дека би можел да се пресели во Мерцедес.
Сепак, Ферстапен на крајот не успеа да ја активира клаузулата за предвремено ослободување и ќе вози за Ред Бул во сезоната 2026.
„Сега имам 28 години и сум под договор со Ред Бул до крајот на 2028 година. Сакам да го одработам мојот договор. Во оваа фаза целосно ја исклучувам можноста за промена на тимот. Штета е што нема да го имам мојот пријател и ментор Хелмут Марко покрај мене во 2026 година“, рече Ферстапен.
Холанѓанецот изминатата сеозна ја заврши на второто место, зад шампионот Ландо Норис од Мекларен. Бртанецот ја прекина серијата од четири последователни титули на Холанѓанецот во шампионатото на Формула 1.
Foto/ depositphotos
Спорт
Франција лесно против Чешка, Шпанија ја победи Србија
Актуелниот европски првак Франција и Шпанија со победи го отворија 17-то Европско првенство во ракомет. Шпанија во А групата ја победи Србија со 29:27, а Франција во Ц групата убедливо славеше над Чешка со 42:28.
Шпанците од очетокот до крајот го контролираа натпреварот против Србија, кој го решија во првиот дел, кога Србите грешеаа во нападот и промашуваа зицери. Исто така, српските ракометари не се прилагодија на критериумот на судиите од Исланд.
Кај Шпанците се истакна Јан Тарафета со шест гола, Абел Сердио имаше четири, а Касадо, Душебаев, Фис и Гомес имаа по три. Најефикасен играч за Србија беше Урош Којадиновиќ со шест гола. Вања Илиќ постигна пет, исто колку и Дарко Ѓукиќ, а Урош Борзаш постигна четири.
Франција, против Чешка влезе како ачсолутен фаворит и таа улога во целост ја оправда. Прашањето на кончениот победник беше решено во раната фаза од натпреварот.
Ричардсон, Пранди и Наи ја предводеа Франција со по шест гола. Кај Чешка подобри од останатите беа Сола и Сироки со по пет гола.
Foto/ EPA
Спорт
Цимикас се враќа дома
Грчкиот репрезентативец, Костас Цимикас, кој зад себе има лоша полусезона во Рома, би можел да се врати во Олимпијакос по пет и пол години. Клубот од Пиреја прави сè за да се договори со Ливерпул, објави „Газета дело Спорт“.
По доаѓањето на Милош Керкез, во летниот преоден рок, Цимикас стана вишок во Ливерпул и клубот реши да го позајми во Рома. Гркот не успеа да се вклопи во системот на Џанпјеро Гасперини, поради што „волчицата“ ја прекина соработката со левот бек по само шест месеци.
Бидејќи за него нема место ниту во Ливерпул, тој ќе мора да бара нов клуб.
Олимпијакос веќе долго време има проблем токму на позицијата на која игра Цимикас и во клубот се надеваат дека токму тој би можел да им донесе стабилност на црвено-белите во овој дел од теренот.
Цимикас има договор со Ливерпул до летото следната година. Без оглед на тоа што деталите од евентуалниот договор не беа презентирани, сосема е сигурно дека Олимпијакос би побарал позајмица до крајот на сезоната со право на откуп на договорот.
Искусниот грчки фудбалер одигра само 14 натпревари за Рома оваа сезона.
Foto/

