Свет
Франција распореди пожарникари со тестови на Ковид-19 на границата со Британија
Франција распореди 26 пожарникари со илјадници комплети за тестирање на Ковид-19 на пристаништето Довер, главен транзитен центар помеѓу Франција и Велика Британија, за да помогне во забрзувањето на преминот за камионите блокирани во областа поради новите ограничувања предизвикани од новиот вид коронавирус, информира Француската амбасада во Велика Британија, пренесува „Спутник“.
Според објавата на Амбасадата на „Твитер“, возачите биле подложени на тестирање на Ковид-19 на пат кон Франција.
26 French firemen have arrived early in #Dover this morning, bringing with them 10 000 #Covid19 tests.
They are already working closely with the British on the ground, testing drivers on their way to France! #StrongerTogether #FrancoBritishFriendship ???? pic.twitter.com/F2J7X89MFo— French Embassy UK (@FranceintheUK) December 24, 2020
Откога Лондон објави дека открил многу заразна нова варијанта на коронавирусот, Франција воведе забрана за пристигнување од Велика Британија оставајќи илјадници камиони блокирани во Кент, југоисточна Англија, кои не може да го преминат Англискиот Канал. Сепак, Париз во вторникот се согласи да ја укине забраната за влез во земјата за оние што имаат негативен тест на Ковид-19 не постар од 72 часа.
Според договорот Париз-Лондон, секој што сака да влезе во Франција, но има позитивен тест на Ковид-19, ќе мора да направи уште еден PCR-тест за и ако е сè уште позитивен, да остане во хотелско сместување во изолација.
Минатата недела здравствените власти во Велика Британија открија нова варијанта на коронавирусот, која е 70 отсто попренослива од другите соеви на вирусот. Поради ова, повеќе од 40 земји во светот ги затворија своите граници и ги запреа патувањата кон Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.