Спорт
Арсенал е жив – „топовите“ распукаа кон Челси!
Во мечот што за нив беше рамен на финале, Арсенал го совлада градскиот ривал Челси со стил, со високи 3-1. „Арсенал е жив“ се коментарите на социјалните мрежи откако трофејните „топчии“ по 14 кола сезонава во Премиерлигата имаа само 4 победи ии се најдоа на 15тата позиција, на само 4 бода од зоната за испаѓање во понизок ранг.
Пулените на Микел Артета комплетно го надиграа противникот кој речиси цел меч не шутна во рамките на голот на Лено.
Од друга страна, голманот на „сините“ Менди спасуваше катастрофа за екипата предводена од Лампард.
Во 33 минута Џејмс стартуваше преостро во својот шеснаесетник, па судијата досуди пенал за Арсенал. Сепак, отиде и ја провери снимката да се увери во постапката.
На Лаказет тоа не му пречеше, го испрати голманот во спротивната страна за 1-0.
Враќање на Џака во вистински елемент. Се играше 44 минута, слободен удар за „топчиите“. Џака го гаѓа горниот агол на голот на Менди за прекрасен погодок и водство од 2-0 до полувремето.
Во вториот дел продолжи безидејната игра на Челси што Арсенал ја казни со уште еден одличен погодок, дело на Сако во 56 минута. Неодбранливо.
Единствено што гостинската екипа успеа да стори на овој меч беше почесен погодок, од првиот удар кој одеше во рамките на голот на Лено. Стрелец Абрахам во 87 минута. Имаа сините шанса и за нов погодок, но Жоргињо не го реализираше пеналот во судиското надополнување на мечот.
Иако процентуално топката беше повеќе во нозете на фудбалерите во сини дресови, Арсенал беше екипата која повеќе ја посакуваше победата.
Сега Челси падна на шестата позиција, а Арсенал конечно по подолго време стигна до 3 бода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.