Регион
Не престанува да се тресе Петриња, земјата се спуштила до 30 сантиметри
Европскиот/медитерански сеизмолошки центар утрово објави дека се регистрирани два нови умерени земјотреси во близина на Петриња и Сисак, во Хрватска. Првиот земјотрес со јачина од 3,2 степени според Рихтеровата скала е регистриран во утрово во 4:52 часот, а епицентарот бил на 12 километри југозападно од Петриња. Вториот земјотрес со јачина од 3,1 степен е регистриран во 6:37 часот, а епицентарот бил на 19 километри југозападно од Сисак.
Објавени се сателитски снимки со анализа која открива дека поради разорниот земјотрес во вторникот, земјата во Петриња се спуштила повеќе од 10 сантиметри. Снимките на Фејсбук ги објави Ален Берта, инженер по шумарство и консултант во меѓународната компанија ЦГИ, задолжен за подрачјето за набљудување на планетата.
Potres Banovina
Sateliti pokazuju puni razmjer katastrofe. Uspoređujući snimke radarskog satelita Sentinel 1 od 18.12. i…Posted by Alen Berta on Thursday, 31 December 2020
„ Сателитите покажуваат цел размер на катастрофата. Споредувајќи ги снимките од радарскиот сателит Сентинел 1 од 18-ти до 30-ти декември, гледаме дека земјата западно од Петриња се приближила на сателитот за 44 сантиметри на најизразениот дел, додека земјата на самата Петриња се спуштила за 10 до 30 сантиметри“ напишал Берта.
Тој додава дека во земјотресот во Загреб земјата се поместила само неколку сантиметри во епицентарот.
„ Толкаво движење на земјата е поголемо отколку за време на разорните земјотреси што се случија во Италија пред 3-4 години. Само да потсетам дека во земјотресот во Загреб земјата се движеше само неколку сантиметри во епицентарот, додека во самиот град беше неколку милиметри” стои во неговата објава.
Земјата во областа Банија се уште се тресе по разорниот земјотрес со јачина од 6,2 степени по Рихтер што во вторникот ги погоди Петриња и околината. Земјотресот беше проследен со низа последователни, а до вчера имаше 265 степени со магнитуда поголема од 1 степен, пренесува „Индекс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.