Европа
Здравствена работничка од Португалија починала два дена по примањето на вакцина
Здравствена работничка од Португалија починала по два дена откако ја примила вакцината против коронавирус на компанијата „Фајзер“, пренесува „Дејли мејл“.
Соња Ацеведо (41) доживеала ненадејна смрт дома на првиот ден од Новата година, 48 часа по добивањето на вакцината. Обдукција беше најавена за денеска или најдоцна утре.

За мајката на две деца, која работела на педијатрија на португалскиот Институт за онкологија во Порто, не е констатирано дека претрпела некои позначајни несакани ефекти по вакцинирањето.
Таткото на Ацеведо, Абилијо Ацеведо, за португалскиот дневен весник „Кореио да Манха“ изјавил: „Беше добро. Немаше никакви здравствени проблеми.
Таа доби вакцина против Ковид-19, но немаше симптоми. Не знам што се случи. Јас само барам одговори.
Сакам да знам што доведе до смрт на ќерка ми“.
Надредените на Ацеведо потврдиле дека починатата била вакцинирана против коронавирус на 30 декември и додале дека не биле известени за какво било „непожелно дејство“ кога таа била боцната или неколку часови после тоа.
Во изјавата на португалскиот Институт за онкологија се вели: „Во врска со ненадејната смрт на оперативниот асистент од ИПО во Порто на 1 јануари 2021 година, Управниот одбор го потврдува настанот и изразува искрено жалење до семејството и пријателите со уверување дека оваа загуба и тука силно се чувствува“.
Во соопштението се додава: „За објаснувањето за причината за смртта ќе следат вообичаените процедури во овие околности“.
Ќерката на Ацеведо, Ванија Фигуередо, рече дека нејзината мајка само се жалела на нормална непријатност во областа каде што била боцната, но инаку била добро.
Оваа здравствена работничка била една од 538 работници во Порто ИПО кои ја примиле вакцината на „Фајзер“ / „Бионтек“.
За настанот било информирано и португалското Министерство за здравство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците нападнаа руска рафинерија на 2.000 километри од границата, се шират снимки
Украински дронови предизвикаа пожар во рафинерија за нафта во северозападна Русија, на околу 2.000 километри од украинската граница.
Ројтерс објави дека утрово избувнал пожар во рафинерија за нафта во сопственост на руската компанија Лукоил во близина на градот Ухта во руската република Коми, изјави шефот на регионот, Ростислав Голдштејн. Никој не е повреден, а службите за итни случаи работат на местото на настанот, изјави Голдштејн на апликацијата Телеграм.
Russian Telegram channels report a drone attack and subsequent fire at Ukhta oil refinery plant in Ukhta, Komi region of Russia.
It's located over 2,000 km from the Ukrainian border. pic.twitter.com/ATCEcdkMCH— Anton Gerashchenko (@Gerashchenko_en) February 12, 2026
Пожарот избувнал откако украинските дронови погодиле инфраструктура која се смета за стратешки важна за снабдувањето со гориво во Русија, како дел од засилениот напад врз енергетската инфраструктура по краткото затишје за време на мировните преговори минатиот месец. Украинските власти, вклучувајќи го и претседателот Зеленски, постојано повторуваат дека нападите врз руските рафинерии за нафта се „најдобрите санкции“.
Meanwhile in Russia’s Ukhta.
The local refinery keeps getting hit by drones as we speak.
1,800 km away from the Ukrainan border. pic.twitter.com/TZMDIrIIg6
— Illia Ponomarenko 🇺🇦 (@IAPonomarenko) February 12, 2026
Снимки од густи облаци од црн чад над областа на рафинеријата Ухта веднаш по нападот циркулираат на социјалните медиуми, илустрирајќи го обемот на инцидентот и влијанието на нападот далеку на руска територија.
Европа
(Видео) Поранешен шеф на МИ6: Руските загуби се застрашувачки
Русија можеби изгубила околу двојно повеќе војници во Украина во декември 2025 година отколку што Советскиот Сојуз изгубил за време на советско-авганистанската војна, изјави поранешен шеф на британската разузнавачка служба во неодамнешно интервју.
Ричард Мур, поранешниот шеф на МИ6, даде интервју за Скај њуз, во кое рече дека околу 30.000 руски војници загинале во Украина во декември, опишувајќи ја бројката како „застрашувачки“.
Мур го спореди месечниот број на жртви на руски војници со загубите во советско-авганистанската војна, која траеше десет години, од 1979 до 1989 година, и во која загинаа околу 15.000 советски војници.
„Загубите се ужасни и дури и Русите ќе имаат тешкотии да ги надоместат тие загуби. Затоа поминуваат катастрофално лошо на бојното поле“, рече Мур.
Европа
Русија се обиде да го блокира WhatsApp: промовира апликација во државна сопственост
Американската технолошка компанија Мета соопшти дека руските власти се обиделе да ја блокираат нејзината апликација за пораки WhatsApp во обид да ги принудат корисниците да се префрлат на конкурентска услуга контролирана од владата.
„Руската влада се обиде целосно да го блокира WhatsApp со цел да ги насочи граѓаните кон апликација контролирана од државата“, рече Мета.
„Правиме сè што можеме за да ги одржиме нашите корисници поврзани“, се додава во соопштението.
Фајненшл тајмс претходно објави дека руските власти го отстраниле WhatsApp, кој има околу 100 милиони корисници во Русија, од онлајн регистарот на апликации што ги води Роскомнадзор, државниот регулатор за комуникации.
Овој потег се смета за дел од пошироката стратегија за ограничување на пристапот до платформи што не се директно контролирани од руските безбедносни служби. Рускиот регулатор веќе воведе ограничувања за Telegram претходно оваа недела, објави Франс Прес.
Руските власти вршат притисок за префрлување на MAX, за кој критичарите велат дека овозможува надзор на корисниците, објави Ројтерс.

