Спорт
На Роналдињо му „тргна“ по излегувањето од затвор!
Легендарниот бразилски фудбалски магионичар, Роналдињо, успеал да заработи над 5 милиони бразилски реали (над 800.000 евра) откако излезе од парагвајскиот затвор, и во исто време да стане почесен граѓанин на Бело Хоризонте и да се сретне со бразилскиот претседател Жаир Болсонаро, јавува бразилската верзија на шпанскиот весник „Ел паис“.
40-годишниот Роналдињо беше уапсен во Парагвај минатата година покрај неговиот постар брат Роберто де Асис Мореира, за користење на фалсификувани парагвајски пасоши со цел отварање на коцкарници во оваа земја, бидејќи во Бразил тие се нелегални.
Тој помина одредено време во вистински затвор, пред да биде префрлен во „домашен притвор“ во локалниот хотел, за на крајот да биде ослободен со казна од 200.000 долари за двајцата браќа. Тогаш се тврдеше дека тој на својата сметка имал само 5 долари и дека бил блиску до банкрот.
Меѓутоа, според „Ел паис“, во последните четири месеци, од излегувањето од затвор, тој успеал да заработи 5 милиони бразилски реали, откако учествуваше во промоција на новиот стадион на Атлетико Минеиро и беше прогласен за почесен граѓанин на Бело Хоризонте. Во градот тој отворил музичко студио и веќе снимил песна со раперот Џонга, промовирал свој бренд на џин „R-ONE“, како и бренд на вино (Vino de Campeones). Роналдињо работел во рекламна промоција на апликацијата за патување „Бусер“, како и заштитно лице на компанијата за обложување „Беткрис“.
Роналдињо исто така се сретнал со бразилскиот претседател Жаир Болсонаро, кој ја потврдил неговата улога како „туристички амбасадор“ на Бразил. Во 2021 година, во кината ќе излезе неговиот автобиографски филм, така што работите навистина му „тргнаа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.