Регион
Турција спасила 80 мигранти во Егејското Море
Турција спаси речиси 80 баратели на азил, вклучително и група што грчката крајбрежна стража ја истуркала назад во турските територијални води во Егејското Море, изјавил во понеделникот безбедносен извор цитиран од турската агенција „Анадолија“.
Деветнаесет баратели на азил останале заглавени во гумен чамец кога им се расипал моторот и биле спасени покрај брегот во округот Мармарис во југозападната турска провинција Мугла, соопштил изворот, кој побарал да не биде именуван.
Друга група од 34 баратели на азил била спасена од турската крајбрежна стража, која спроведувала рутинска патрола крај брегот на областа Бодрум во провинцијата Мугла.
Во одделен случај друг тим на крајбрежната стража на Турција бил испратен покрај брегот на Ајвачик во северозападна провинција Чанакале за да спаси 26 баратели на азил. Азилантите се обидувале да стигнат до грчкиот остров Лезбос со гумен чамец и со чамец за спасување.
Безбедносни извори соопштиле дека барателите на азил биле вратени назад во турските територијални води од страна на грчката крајбрежна стража. По рутинските проверки, сите баратели на азил биле одведени во провинцискиот орган за миграција.
Турција е клучна транзитна точка за барателите на азил, кои сакаат да преминат во Европа за да почнат нов живот, особено оние што бегаат од војна и прогонства.
На почетокот на оваа година Турција ги отвори своите порти за нелегалните мигранти што сакаат да стигнат до Европа обвинувајќи ја ЕУ дека не ги исполнила своите ветувања според договорот за мигранти во 2016 година.
Турција во повеќе наврати ја осуди незаконската практика на Грција за принудно враќање на барателите на азил велејќи дека со тоа ги крши хуманитарните вредности и меѓународното право со загрозување на животот на ранливите мигранти, вклучително и жени и деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.