Европа
(Видео) Медицинска сестра од Лондон: Ова беше една од најлошите смени во мојот живот
Пред воведувањето на построги мерки во Англија, тим на Би-би-си во една лондонската болница проверил како персоналот се справува со епидемијата на коронавирус.
„Јас сум Клои, работам како постара медицинска сестра и ова беше една од најлошите смени во мојот живот. Интензивно е, се грижам за многу повеќе болни пациенти отколку вообичаено. Целата оваа ситуација ме обзеде емотивно.
Кога ќе видам снимки од луѓе кои не веруваат во пандемијата, се прашувам зошто воопшто го правам ова? Ме деморализира, никогаш во животот не сум била толку разочарана“, вели една од медицинските сестри.
„Нашите колеги за нас се како семејство, можеме да им се пожалиме, можеме да им се лутиме и да плачеме со нив. Плачам кога ќе се вратам од работа”, изјавила медицинската сестра Хана Пакхам.
Таа додава дека многу медицински сестри и лекари страдаат од проблеми со спиењето и дека сè што можат да направат е кратка пауза во слободните денови.
„Само кога ќе ги видите одделенијата и пациентите, само тогаш сфаќате колку е сериозна ситуацијата. Кога ќе видите како медицинските сестри плачат по смена од 12 часа и си одат дома целосно исцрпени, а следното утро треба повторно да се вратат на работа… Дури тогаш ја разбирате сериозноста на ситуацијата. Во одделот за интензивна нега, имаме луѓе на возраст од 40, 30 и 20 години кои умираат од корона. Дури и ако мислите дека не правите никаква штета кога ќе заобиколите некое правило, сепак правите нешто што не е во ред. Сите тие постапки имаат свој ефект, а резултатот го гледаме тука“, предупреди еден од лекарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.