Спорт
Касано: Во Реал, Перез е папа, крал и кардинал!
Антонио Касано, човекот кој помина две сезони на „Сантијаго Бернабеу“, вели дека претседателот на Реал Мадрид, Флорентино Перез има неверојатна контрола на клубот, во кој е „папа, крал и кардинал“.
Перез, кој го отслужува вториот мандат на претседателското место, стана познат по неговиот пристап на „галактикос“ засилувања – најдобрите фудбалери мора да завршат во Мадрид. Тој во текот на годините ги донесе Луис Фиго, Дејвид Бекам, Кристијано Роналдо и Зинедин Зидан во својот клуб и титулите се освојуваа редовно, во Ла лига и во Лигата на шампионите.
Касано имаше шанса да работи со 73-годишниот Перез од 2006 до 2008 и вели дека никаде на друго место нема таква ситуација.
„Бев во Реал Мадрид и тоа е сосема поинаку од било кое друго место на светот. Таму Флорентино Перез е папа, крал и кардинал. Ако тој одлучи да ти даде едногодишен договор, а друг тим ти нуди тригодишен, тој ќе одлучи дали ти ќе останеш. Видете, Лука Модриќ ќе заминеше, но на крајот остана и освои Златна топка. Истото беше и со Канаваро. Златан Ибрахимовиќ пред некое време кажа шега, но таа е вистинита – Златната топка секогаш ја освојува Флорентино Перез“, вели Касано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.