Црна хроника
Кумановец девет години работел како полицаец и две години како инспектор без завршено средно
Кумановец девет години работел како полицаец во кумановската полиција и две години бил помлад инспектор за општ криминалитет без завршено средно образование, односно со фалсификувана диплома за сообраќаен техничар.
Тој во 2002 година за да се вработи во Министерстото за внатрешни работи без завршено средно образование, изготвил четири свидетелства за завршени четири години во Авто сообраќаен училиштен центар „Боро Петрушевски“ Скопје, како и диплома за положен завршен испит за сообраќаен техничар. Ваквите документи во четири наврати ги употребил во правниот промет како вистинити и тоа кај нотар од Куманово каде ги заверил истите, во Агенцијата за вработување, во Одделението за заеднички работи во СВР Куманово и при упис во Државниот универзитет во Тетово каде во текот на 2015 година се стекнал со уверение за завршена висока стручна спрема. При тоа, во периодот од 24.02.2005 до 30.01.2014 година бил вработен како полициски службеник во Куманово, а од 30.01.2014 година со решение е распореден на работно место помлад инспектор за општ криминалитет во СВР Куманово.Против триесет и девегодишниот кумановец е поднесена кривична пријава за „фалсификување исправа“ и „употреба на исправа со невистинита содржина“./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Залутан куршум заврши на кровот на куќа во Скопје, МВР на терен
А.Б.(68) од Скопје вчера пријавил дека околу 15.00 часот во неговиот двор паднало заталкано зрно од огнено оружје и го оштетило кровот од неговата куќа.
Полициски службеници од Полициската станица Драчево го подигнале зрното за понатамошна постапка.
Се работи на расчистување на случајот.
Црна хроника
Скопјанец фатен со марихуана и нож
Вчера во 13.15 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода К.К.(20) од Скопје затоа што кај него биле пронајдени и одземени марихуана и нож.
По целосно документирање на случајот ќе следува соодветен поднесок.
Црна хроника
Тешко повреден возач на тротинет
Вчера во 13.50 часот во СВР Скопје било пријавено дека на ул.„Џон Кенеди“ во Скопје, „фолксваген голф“ со скопски регистарски ознаки, управувано од С.С.(47) од Скопје, удрило во електричен тротинет управуван од Ш.Д.(63) од Скопје.
Во несреќата со тешки телесни повреди се здобил возачот на тротинетот, констатирани во Комплексот клиники „Мајка Тереза“ во Скопје.
Извршен бил увид од увидна екипа од СВР Скопје.