Свет
Нова студија открива колку трае имунитетот по прележувањето на Ковид-19
Резултатите од новата студија пристигнаа, со што конечно е откриено колку долго трае имунитетот по инфекцијата со ковид-19. Студија објавена во списанието „Сајанс“ откри дека имунитетот на човечкото тело кон коронавирусот обично трае најмалку осум месеци по инфекцијата и потенцијално може да трае значително подолго, пишува „Вашингтон пост“. Студијата открива дека околу 90 проценти од пациентите кои учествувале во студијата поседувале долготраен и стабилен имунитет.
И покрај тоа што повеќе од една година го проучуваа научниците ширум светот, коронавирусот сè уште е обвиткан во превез на тајност и несигурност. Едно од најважните прашања што сè уште не добило дефинитивен одговор е – дали луѓето можат да се заразат со коронавирус повторно и колку брзо. Има случаи кога луѓе велат дека се заразиле со коронавирус по втор пат, но сите индикации се дека овие се ретки случаи. Според најновата научна студија, луѓето развиваат подолготрајна отпорност на вирусот по инфекцијата во повеќето случаи.
Анализата на примероци од крв од скоро 200 пациенти покажала дека повеќе елементи на имунолошкиот систем, не само антителата, продолжуваат ефикасно да го препознаваат вирусот и да реагираат на инфекцијата. Човечкото тело се чини дека се сеќава на напаѓачот и е во состојба да реагира на секоја средба со него во координирано дејство на антитела и Т-клетки.
Студијата објавена во „Сајанс“ доаѓа откако новата заразна варијанта на коронавирусот, која за прв пат беше забележана во Велика Британија, започна да се шири низ целиот свет. Научната заедница, сепак, верува дека овој нов вид нема да победи во судир со човечкиот имунолошки систем. Вработените во Центрите за контрола и превенција на болести во САД разгледуваат нова варијанта и работат на секвенционирање на неговиот геном за да им овозможат на научниците темелно да го проучат.
Авторите на студијата објавена во „Сајанс“ сметаат дека резултатите од нивното истражување можат да се применат на британскиот вид, на и на Ковид-19. Причината за оптимизмот лежи во фактот дека имунолошкиот систем напаѓа различни делови на вирусот, а мутациите успеале да променат само неколку делови.
Научниците се согласуваат дека вирусот може да го совлада природниот имунитет, или оној стекнат со вакцинирање, само доколку доживее голем број истовремени мутации. „Имунолошкиот систем има на располагање многу оружје. Ако се појави мутација што ќе неутрализира едно или две од нив, секогаш има други што можат да ја неутрализираат“, рече коавторот на студијата и научник од Институтот за имунологија во Ла Јола, Даниела Вајскопф.
Имунитетот кон вирусот се гради постепено, достигнува врв, а потоа почнува да опаѓа, но може да остане на одредено ниво подолго време. Вајскопф вели дека луѓето кои се заразиле со коронавирус и го совладале Ковид-19, исто така, имале стабилен имунитет на вирусот осум месеци по закрепнувањето. „Имунитетот не се намали понатаму. Врз основа на тоа, можно е имунитетот да трае уште многу месеци, па дури и со години“, додаде таа.
Во овој момент, невозможно е да се каже колку трае вкупно имунитетот. Невозможно е да се каже бидејќи вирусот речиси една година циркулира меѓу човечката популација, па затоа е невозможно да се добијат подолгорочни податоци. Најстарите примероци проучени во оваа студија се земени пред девет месеци.
Стенли Перлман, вирусолог од Универзитетот во Ајова, кој не бил вклучен во студијата, рече дека податоците од тоа се добредојдени, бидејќи оваа пролет се шушкаше дека имунитетот кон коронавирусот не трае особено долго. „Ова е поубедливо, добро изработено и ја поддржува тезата дека имунитетот ќе трае подолго“, рече тој. Перлман додаде дека е можно имуна личност да се зарази со вирусот, но не и да добие Ковид-19. „Луѓето ќе се заразат, но нема да влијае на нив“, додаде тој.
Студијата исто така открила дека десет проценти од луѓето губат имунитет на вирусот. Овој феномен сè уште не е објаснет, но човечкиот имунолошки систем е сложен механизам, а одговорот на имунитетот на инфекцијата варира од личност до личност. „Имунитетот што го добивате по природна инфекција значително се разликува“, рече коавторот на студијата Алесандро Сете, исто така од Институтот Ла Јола. „Ако имав Ковид-19, јас не би ги фрлал маските, не би одел на забави. Луѓето сè уште треба да постапуваат одговорно. Тоа е како да возите автомобил каде сопирачките работат 90 отсто од случаите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: Русија не ги доживува санкциите како привремени или целни мерки
Портпаролката на руското Министерство за надворешни работи, Марија Захарова, денес изјави дека Русија е убедена дека западните санкции не се привремени или целни мерки, туку механизам за системски притисок врз Москва.
Таа нагласи дека западните земји, нивните сојузи и нивните поврзани сателити спроведуваат агресивна кампања против Русија.
„Целта е отворено декларирана: финансиска и технолошка изолација, поткопување на перспективите за долгорочен социоекономски развој и нанесување максимална штета на граѓаните со цел дестабилизација на внатрешнополитичката ситуација. Веруваме дека санкциите не се привремени или целни мерки, туку механизам за системски стратешки притисок врз нашата земја“, изјави таа за ТАСС на маргините на форумот „Произведено во Русија“.
Таа истакна дека Западот се обидува да воведе секундарни санкции против суверените држави, „обидувајќи се да ги казни за соработка со Русија, поради фактот што овие земји ги бранат своите национални интереси“.
Како што изјави таа, санкциите станаа реалност на новата фаза на развој во која влезе глобалната економија.
„Неподготвеноста на западните земји да признаат дека нивните производствени и финансиски модели ја губат конкурентската битка од глобалното мнозинство води кон хаос и нерамнотежа во сите области на глобалната економија“, нагласи Захарова.
Според неа, бројните пакети санкции воведени не само против Русија, туку и против други земји, како и одбивањето да се користат клучни резервни валути во меѓународните порамнувања, замрзнувањето на суверените фондови, трговските војни, неоколонијалните пристапи кон финансирање на развојот и спонзорирањето на „сателити“ преку меѓународните институции, „де факто ја укинаа глобализацијата“.
„Глобалната економија стана фрагментирана, а оние кои претходно се залагаа за отворени граници и отстранување на разни бариери се вратија на блоковски пристап“, заклучи таа.
Фото: принтскрин
Свет
Германија сака да ги подготви децата за војна преку училишна програма: „Тоа е разумна подготовка“
Германскиот сојузен министер за внатрешни работи Александар Добриндт (CSU) предложи учениците во училиштата систематски да се учат како да реагираат во кризни ситуации и во случај на војна. Тој планира да го презентира својот план во ноември на конференција на државните министри за внатрешни работи, а тој би вклучувал воведување на специјални двочасовни предавања.
„Важно е младите луѓе да разберат какви закани може да постојат и како да се подготват за нив. Децата се важни пренесувачи на знаење во семејството“, изјави Добриндт за весникот Ханделсблат, објави DW.
Остри реакции во Бундестагот
Предлогот предизвика жестоки реакции во германскиот парламент. Опозициската левица верува дека ова „шири страв кај децата и младите“, додека десничарската радикална Алтернатива за Германија (AfD) го обвини министерот за „подбуцнување војна“. Пратеникот на AfD, Готфрид Курио, тврди дека Добриндт сака „да ја направи војната неизбежен дел од секојдневниот живот“.
Од друга страна, Зелените веруваат дека идејата има смисла, но дека не е доволна. Нивниот претставник, Леон Екерт, предлага постојниот „Ден на предупредување“ да се прошири во национален ден за вежбање со цел практично да се подготват граѓаните за кризни ситуации.
Ова не е прв пат слична идеја да се дискутира во Германија. Уште за време на мандатот на претходната влада, тогашната министерка за образование Бетина Старк-Вацингер (ФДП) презентираше сличен предлог, осврнувајќи се на практиката во Велика Британија, каде што вежбите за вонредни ситуации се дел од училишната програма.
Добриндт, исто така, најави нов „пакт за заштита на населението“, кој би вклучувал подобрување на системот за предупредување, означување на заштитни зони и обезбедување основни потреби во вонредни околности.
„Нема ништо лошо во тоа секој да има основна залиха од храна, батерии и радио дома. Тоа не е паника, тоа е разумна подготовка“, рече Добриндт. Тој додаде дека интересот на граѓаните за прирачниците за цивилна заштита е голем, што покажува дека луѓето „сакаат да бидат подготвени“ во случај на криза.
Фото: принтскрин
Свет
Зеленски: Украина и нејзините сојузници ќе работат на план за прекин на огнот во наредните денови
Украина и нејзините сојузници се согласија да работат на план за прекин на огнот во следните десет дена, изјави претседателот Володимир Зеленски за „Аксиос“ по предлогот на американскиот претседател да се запре војната на сегашните граници.
„Неколку брзи точки како план за прекин на огнот. Одлучивме дека ќе работиме на тоа во следната недела или десет дена“, изјави украинскиот лидер за „Аксиос“ во интервју објавено во понеделникот.
Зеленски додаде дека Украина, за да изврши притисок врз Русија за разговори, бара од американската администрација не само ракети „томахавк“ туку и слични работи што не бараат долгорочна обука, пренесува „Ројтерс“.
Фото: принтскрин
Уапсени двајца полицaјци осомничени за разбојништвото на златарницата во Гостивар, се трага и по други лица
Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители...
Приведени две лица од раководството на ЈП „Комунална хигиена“
Приведени се две лица од раководството на Комунална хигиена, соопштија од Основното јавно обвинителство. Како што додаваат од таму, лицата...
Локацијата на ГОБ „8 Септември“ на Мицкоски му изгледа како одлична за нов клинички центар: Има три булевари, гасна поврзаност, но да оставиме експертите да кажат
Премиерот Христијан Мицкоски чека да завршат локалните избори за да распише повик за финансиски институции што ќе понудат кредити за...
Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД
Не е точно дека постои разговор за коалиција со Рамиз Мерко, не преговарам со луѓе на црната листа на САД,...
Кривична против полицаец: пукал со пиштолот во просторија во СВР Струмица откога потпишал решение за отстранување од работното место
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
(Фото) Општина Центар: Се отстрануваат паднатите дрвја кај училиштето „Киро Глигоров“
Општина Центар информира дека во моментот екипите на ЈП „Паркинзи на Општина Центар“ и ЈП „Паркови и зеленило“ работат на...
(Фото) 30-дневен притвор за скопјанецот што со пиштол крадеше во филијали за брзи кредити
Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...
На „Дижонска“ уапсен скопјанецот што пукаше со пиштол во Чаир
Вчера околу 20 часот на улицата „Дижонска“ во Скопје, полициски службеници од СВР Скопје го лишија од слобода 30-годишниот Р.Т....
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен...
Две сообраќајни несреќи и одрон на автопатот Скопје – Велес после патарината Сопот
На автопат Скопје – Велес после патарина Сопот пред тунелите на Башино село поради одрон на левата коловозна лента сообраќајот...
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да...
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информира за ситуацијата во текот на целата ноќ....
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за...
Мицкоски: Кога Јакимовски бараше поддршка го замолив да нема бетонизација, а потоа ми рече ‘морам од нешто да живеам’
Претседателот на ВМРО-ДПМНЕ, Христијан Мицкоски, од маалска средба во општина Карпош порача дека е време за промена и крај на,...
И меѓународната заедница гледа со неверување дека некој во 21 век може да се однесува така, рече Мицкоски по повиците за етничко гласање во вториот круг
Претседателот на ВМРО-ДПМНЕ, Христијан Мицкоски, денеска од Брвеница испрати порака дека сите кои работат за иднината на државата имаат негова...
(Видео) Филипче најави политички и кадровски промени во СДСМ
Претседателот на СДСМ,Венко Филипче, во изјава за медиумите по првиот круг од локалните избори истакна дека партијата бележи раст во...
(Видео) СДСМ деновиве ќе одлучи кого ќе поддржи во општините каде што нема свој кандидат за градоначалник
Претседателот на СДСМ, Венко Филипче, изјави дека партијата во следните денови ќе одлучи кого ќе поддржи во општините каде што...
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата...
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне...
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските...
