Спорт
Вистинска битка на Давид и Голијат – осмолигашот Марин го пречекува Тотенхем
Едните имаат стадион кој чини милијарда фунти и го имаат „специјалниот“ Жозе Мурињо за тренер. Другите, пак играат во Северната Премиер лига – дивизија еден – северозапад, односно осмата лига по вредност во Англија и пласманот во третото коло на ФА купот им е најголем успех во историјата на клубот (основан во 1894 година).
Во вистинска борба на фудбалски Давид и Голијат, Марин АФЦ, клубот од предградието на Ливерпул го пречекува Тотенхем на својот стадион со 3.800 седишта, откако претходно благодарение на помошта на ливерпулските премиерлигаши Ливерпул и Евертон имаше каде да тренира за мечот.
Жозе Мурињо изјави дека најдобар начин за Тотенхем да покаже почит кон осмолигашот е да постави силен тим, но менаџерот на Марин, Нил Јанг вели дека би сакал Хери Кејн и Сон Хеунг-Мин да не играат.
„Се надевам дека нема да играат! Имаат многу фудбалери кои можат да играат во нападот и се од светска класа. Ми падна косата на почетокот на неделата размислувајќи за овој меч. Би сакал да имам пет минути насамо со Жозе, само за обичен муабет. Но, не знам дали ќе смееме да го направиме ова поради правилата за КОВИД“, вели менаџерот со рокерско име и презиме.
Капитенот на Марин, Најал Каминс, пак, вели дека има посебен мотив против Тотенхем, бидејќи е навивач на лутите ривали на Спартси, Арсенал.
„Не требаше да го откривам тоа, може да ми се врати. Но, последните денови имам мисли во главата – што би кажал по мечот ако ги победиме Тотенхем? Разликата меѓу нив и нас? Тие имаат готвачи, а моите играчи јадат што ќе им зготвам јас“, вели со насмевка Каминс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хаос во Црна Гора: Навивачите ги нарекоа противниците усташи и фрлаа по нив со шишиња
Хаотичен ракометен натпревар се одигра во црногорското првенство помеѓу Ловќен и Беране во Беране. Гостите Ловќен од Цетиње победија со 26:22, но натпреварот едвај се одигра до крајот поради бројните инциденти на трибините.
Домашните навивачи испратија силни просрпски пораки. Го величеа Дража Михајловиќ, четнички војвода и воен злосторник, извикуваа „Косово е Србија“. Играчите на Ловќен се нарекуваа усташи, а врз нив биле фрлани и стаклени шишиња.
На видеото кое го објави CG Sport се гледа и се слуша скандирање, а локалните навивачи сакаа да влетаат на теренот. Натпреварот три пати беше прекинат.
Ловќен е актуелен шампион на Црна Гора во ракомет.
Спорт
Миовски во тимот на колото во Примера
Бојан Миовски и Брајан Хил, во саботата го униптија Еспањол во малото каталонско дерби. Џирона го победи Еспањол со 4:1. Головите тимот од „Монтоливи“ ги постигна во интервал од четвртата до 27.минута.
Серијата против Еспањол ја отвори Хил по додавањето кое го доби од Миовски. Потоа Хил два пати му асистираше на Миовски во 16. и 22.минута. Македонецот ги постигна првите голови за Џирона во Примера, откако летово за осум милиони евра пристигна од Абердин.
Точка на натпреварот стави Чехот Крејчи. И за него ова беше деби гол во дресот на Џирона.
Миовски за својот прформанс против Еспањол доби оценка 8,91. Подобро оценет од него беше само Брајан Хил (9,10).
Во идеалниот тим на 14.коло, покрај Миовски и Крејчи се најдоа уште двајца играчи на Џирона: Ва де Бек и Крејчи.
🇪🇸 La Liga Team of the Week pic.twitter.com/JCadKaiQkV
— WhoScored.com (@WhoScored) November 25, 2024
Спорт
Ферстапен е горд на титулата, но сепак „послатка“ му е минатогодишната
Возачот на Ред Бул, Макс Ферстапен, изјави дека никогаш не ни замислувал дека ќе освои четири последователни шампионски титули во Формула 1 и дека сепак ја претпочита титулата што ја освои минатата сезона.
„Стоењето овде како четирикратен светски шампион е нешто што никогаш не мислев дека ќе биде возможно. Значи во овој момент чувствувам само олеснување, но и многу гордост“, изјави 27-годишниот холандски возач, објави „Скај Спорт“.
Ферстапен ја освои својата четврта последователна титула во Формула 1 со петтото место на трката за ГН на Лас Вегас. Холанѓанеџот се изедначи на третото место на сите времиња со Себастијан Фетел и Ален Прост. Пред нив по бројот на титули се Хуан Мануел Фанџо со пет, како и водечките Михаел Шумахер и Луис Хамилтон со по седум трофеи.
Во генералниот поредок Ферстапен има недостижни 403 бода, додека неговиот најголем ривал Ландо Норис од Мекларен заостанува 63 бода. Возачот на Ферари, Шарл Леклер е на третото место со 319 бодови.
Ферстапен додаде дека сезоната е многу долга, одчично ја започнале со тимот, а подоцна влегле во резултатска криза.
„Како тим работевме заедно, продолживме да го подобруваме болидот и на крајот ја минавме целта“. Неверојатно сум горд на се што направија за мене“, рече Ферстапен.
Тој исто така рече дека и понатаму ја претпочита претходната титула, која ја освои на доминантен начин со речиси 300 бодови пред второпласираниот тимски колега Серхио Перез.
„На некој начин, сè уште ја претпочитам минатата сезона, многу уживав, но мислам дека повторно научив многу лекции оваа сезона. Начинот на кој што ја освоивме титулата ја прави оваа сезона многу посебна и убава“, заклучи Верстапен.
Возачот на Мерцедес Џорџ Расел победи на трката за Големата награда на Лас Вегас, втор беше неговиот тимски колега Луис Хамилтон, додека трет заврши Карлос Саинц од Ферари.
До крајот на шампионатот остануваат уште две трки, а следната ќе се вози на 1 декември во Катар. Покрај главната трка следната сабота, ќе има и спринт во Катар.