Свет
Кои се несаканите ефекти од руската вакцина, зошто не се препорачува за трудници?
Вакцината „Спутник V“, произведена од Институтот за научно истражување „Гамалеја“, на 11 август доби потврда за регистрација од руското Министерство за здравство и со тоа стана првата регистрирана вакцина против коронавирусот во светот. Вакцината е базирана на платформа на хумани аденовирусни вектори, чии предности се безбедноста, ефикасноста и отсуството на долгорочни несакани ефекти.
Сепак, не секој може да ја прими вакцината против коронавирус.
Како што е наведено на веб-страницата stopkoronavirus.rf, вакцината не може да се дава на луѓе кои имаат туберкулоза, хепатитис Б и Ц, сифилис, ХИВ, тумор, акутен коронарен синдром, како и на лица кои имале мозочен удар во последната година. Исто така, оние кои планираат да имаат деца во следните три месеци треба да избегнуваат вакцина против коронавирус.
Бремените жени и доилките, како и луѓето кои се чувствителни на која било компонента на вакцината, не треба да се вакцинираат. Конечно, ако имате влошување на која било хронична болест, ќе мора да почекате да ви се смири здравствената состојба.
Луѓето кои патат од алергии можат да ја примат руската вакцина против коронавирусот „Спутник V“, но не во фаза кога се манифестира болеста, изјави директорот на центарот „Гамалеја“, Александар Гинкбург.
Според експертите, луѓето кои хронично страдаат од алергии пред вакцинацијата, треба да направат анализа на одредени крвни параметри – Ц-реактивен протеин и нивото на имуноглобулин од класа Е.
„Ако тие два индикатори се во границите на нормалните вредности, тогаш тие дефинитивно треба да се вакцинираат, така што луѓето со алергиски болести ќе можат да се вакцинираат“, рече Гинзбург.
Кога бремените жени ќе можат да се вакцинираат?
Во моментов, на бремените жени не им се препорачува да се вакцинираат со вакцината против коронавирус.
Александар Гинзбург, директор на Рускиот национален истражувачки центар за епидемиологија и микробиологија „Гамалеја“, на крајот на декември 2020 година изјави дека Центарот планира за месец до месец и пол, да достави пакет документи за тестирање на вакцината „Спутник V“ на деца и бремени жени до Министерството за здравство.
Гинзбург за Спутник прецизираше дека испитувањата на вакцината врз деца и бремени жени ќе започнат само кога Министерството ќе ги одобри документите.
Како и вакцината на Фајзер и Бионтек, руската вакцина „Спутник V“ нема да им се препорачува на овие категории на население во наредниот период.
Алкохол и вакцина
Во последниве недели се пишуваше многу за тоа дека луѓето кои сакаат да се вакцинираат со „Спутник V“ не треба да консумираат алкохол пред и по вакцинацијата.
Директорката на Федералната служба за фитосанитарен надзор на Руската Федерација (Роспотребнадзор), Ана Попова, изјави дека најмалку две недели пред имунизацијата е „апсолутно неопходно“ да престанете да пиете алкохол, како и дека 42 дена од првата инјекција е периодот на формирање на имунитет, така што во текот на тој период треба да се грижите за себе.
Александар Гинзбург, лекар, кој е на чело на Институтот Гамалеј каде што е развиена вакцината „Спутник V“, негираше дека станува збор за апсолутна забрана за консумирање алкохол, но дека е потребно разумно ограничување во овој поглед се додека организмот не формира сопствен имунолошки одговор на коронавирусната инфекција.
Тој посочи дека е важно да се воздржувате од алкохол најмалку три дена по секоја доза и дека прекумерната консумација на алкохол може да го оштети имунитетот и да влијае на ефективноста на секоја вакцина, не само на оние против коронавирусот.
Несакани ефекти
Како несакани ефекти по примањето на руската вакцина против коронавирусот, може да се појави благо чешање и црвенило на местото на убодот, краткорочно зголемување на телесната температура, како и чувство на слабост.
Пред вакцинацијата, лекарот ќе го прегледа пациентот кој сака да се вакцинира и ќе му ја измери температурата. Ако е повисока од 37 степени, имунизацијата ќе се одложи. По вакцинацијата, здравствениот работник ќе ја следи состојбата на пациентот во следните половина час.
Така, несаканите ефекти и процесот на следење на пациентот се исти како при примање на која било друга вакцина, не само онаа против коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Волстрит журнал“: Европа ги попречува обидите на Вашингтон и Москва да ја прекинат војната
Лидерите на Русија и САД, Владимир Путин и Доналд Трамп, одамна ќе постигнеа договор за решавање на конфликтот во Украина доколку не беше интервенцијата на европските земји, објавува „Волстрит журнал“ (WSJ), повикувајќи се на извори запознаени со дипломатските контакти.
Според весникот, француски функционер изјавил дека компромисот меѓу Москва и Вашингтон ќе бил постигнат „доколку не биле Европејците“, посочувајќи дека токму европското инсистирање на поцврста линија ги спречило двете сили да се зближат.
Изворот на медиумот, исто така, наведува дека Европа сега „се пронашла себеси“ бидејќи Вашингтон постепено го намалува својот ангажман во регионот, што, како што објаснил, значи дека европските земји мора да преземат поголем дел од товарот и сè повеќе да се потпираат на сопствените капацитети.
Весникот, исто така, потсетува на претходната оценка на британската аналитичарка Емили Ферис, која истакна дека разликите во пристапите на САД и Европа се последица на желбата на Трамп да постигне договор, додека европските влади остануваат порезервирани и скептични кон каков било компромис со Москва.
Фото: ЕПА
Свет
(Видео) Исповед на српскиот заложник од Газа: Ти ставаат синџири на нозете, те изгладнуваат
По повеќе од две години поминати во заробеништво на Хамас во Газа, српскиот државјанин Алон Охел (24) ги опиша ужасите што ги доживеал под терористичките окови во шокантна исповед. Киднапиран на 7 октомври 2023 година на музичкиот фестивал Нова, Охел откри детали за тортурата, гладувањето и дехуманизирачките услови на кои биле подложени тој и другите заложници во своето прво подолго интервју по неговото ослободување, пишува Блиц рс.
Шокантна исповед за заробеништвото
Во своето прво подолго интервју по неговото ослободување на 13 октомври, Охел раскажа дека бил третиран „како мајмун“.
„Ти ја одземаат слободата на движење, ти ставаат синџири на нозете“, ја започна својата приказна, откривајќи дека бил држен вака година и пол. „Би јадел како куче, не си човек, туку животно. Дури и во затвор има систем. Не бев во затвор, бев во заробеништво. Ова се луди луѓе. Ако не си ментално силен, можеш да полудиш“, рече тој.
“Former hostage Alon Ohel speaks about his time in Hamas captivity. Via @n12news & @boker.almog pic.twitter.com/ROWJSnKIcL
— Harold4121992 🇨🇴 🇮🇱 🇺🇸 🇮🇹 (@haroldzulbaran) December 1, 2025
Тој додаде дека киднаперите решиле да ги изгладнат, иако знаел дека оние кои го држат имаат храна. Тој рече дека во еден момент му било дозволено да јаде само сушени урми и дека понекогаш изгледал како скелет.
„Се навикнуваш на гладувањето, на постојаната болка во телото“, рече тој, додавајќи дека поминал „часови лежејќи како труп“. Тој рече дека силата му се вратила кога видел видео од израелските протести со кои се барало негово ослободување и на другите затвореници.
Во тешките моменти, негова голема поддршка бил Ели Шараби, уште еден заложник кој го делеше неговото заложништво сè додека не беше ослободен во претходниот прекин на огнот претходно оваа година. Шараби му станал татковска фигура. „Се поврзавме од првиот момент. Имаше еден клик, не можам да го објаснам“, рече Охел.
Во еден момент на фрустрација, рече тој, Шараби го прегрна. „Тоа беше татковска прегратка, бидејќи копнежот те убива, толку е тешко. Ме носеше на грб многу пати“, додаде Охел. Сопругата и децата на Шараби беа убиени во нападот на 7 октомври. „Ќе речеше дека е во ред да се распаднеш, да се скршиш, да плачеш, но никогаш да не ја изгубиш надежта“, се присети Охел на неговите зборови на охрабрување.
Охел додава дека донел свесна одлука да остане жив и дека разговарал со мајка си ноќе. „Ќе разговарав со неа ноќе, сè е во ред, жив сум. Го кажував тоа на глас. Знаев дека тоа е она што морав да го направам, да разговарам со мајка ми, за можеби таа да ме почувствува“, рече тој.
„Мојата приказна навистина започнува кога го избрав животот. Во секој момент имав избор да се откажам, но избрав да се борам“, заклучи тој.
Српскиот државјанин Алон Охел беше киднапиран на 7 октомври 2023 година, од засолниште на музичкиот фестивал Нова. Тој претрпел сериозни повреди, вклучително и губење на видот на едното око, а видот на другото око е исто така во опасност.
Ослободените заложници потврдија дека бил држен во тунели, окован и без соодветен медицински третман. Откако издржал тортура, мачење и злоупотреба, тој е назад со своето семејство, подготвен да го продолжи животот што престанал на тој судбоносен ден.
Свет
Ограбена куќата на поранешниот претседател на Франција: полицијата реагира веднаш
Поранешниот француски претседател Франсоа Оланд беше жртва на провала, откако крадци провалија во куќата во Париз каде што живеат Оланд и неговата партнерка Жили Гаје на 22 ноември, изјави канцеларијата на парискиот обвинител за „Фигаро“.
Провалата ја потврдија и луѓе блиски до претставникот на Социјалистичката партија од Корез, додава парискиот дневен весник.
Благодарение на брзата интервенција на полицијата, две лица беа уапсени, обвинети и притворени веќе на 28 ноември, пренесува „Фигаро“, но не е наведено што крадците украле од куќата на поранешниот француски претседател.
Осомничените се двајца мажи родени во декември 1994 и февруари 1995 година во Алжир, според весникот.
Фото: ЕПА
Трето судење за „Пулс“: нов обид за воведни зборови на одбраната
Судењето за дискотеката „Пулс“, во која загинаа 63 лица и речиси 200 беа повредени, продолжува денеска со трето рочиште. Се...
САД размислуваат за копнен напад врз Венецуела; Мадуро: Подготвени сме да се браниме
Претседателот на Венецуела, Николас Мадуро, изјави дека неговата земја е подготвена да се одбрани додека САД размислуваат за копнен напад....
Виткоф и Кушнер денеска се среќаваат со Путин во Москва
Пратеникот на американскиот претседател Доналд Трамп, Стив Виткоф, и зетот на претседателот, Џаред Кушнер, ќе се сретнат со рускиот претседател...
Белата куќа е многу оптимистична во врска со мировните преговори во Украина
Белата куќа е „многу оптимистична“ во врска со шансите за постигнување договор за прекин на војната во Украина, изјави нејзината...
(Видео) Илјадници протестираа против владата во Бугарија, луѓето се судрија со полицијата
Илјадници луѓе излегоа на улиците на Софија за да протестираат против буџетскиот план на бугарската влада за следната година, првата...
Кремљ: Го освоивме Покровск
Руската армија го зазеде украинскиот рударски град Покровск во источниот регион Донецк, кој беше под напади околу една година, изјави...
Белата куќа: Магнетната резонанца на Трамп покажа одлична здравствена состојба
Портпаролката на Белата куќа, Каролина Ливит, денес изјави дека неодамнешниот преглед со магнетна резонанца на Доналд Трамп бил превентивен по...
Сиљановска-Давкова: Системските недостатоци во имплементацијата на Истанбулската конвенција, бараат системски пристап во нивото отстранување
Покрај формалната, нужна е реална заштита на жените од насилство, порача претседателката Гордана Сиљановска-Давкова на јавната расправа за имплементацијата на...
Освен во „Димо Хаџи Димов“, во друго училиште во Карпош не се најдени патогени бактерии
На 27.11.2025 АХВ заедно си службени лица од ИЈЗ направи вонредна контрола во 9 основни училишта во рамките на општина...
Продолжува повратот на средствата од мерката „Мој ДДВ“ за скенирани сметки, соопшти Управата за јавни приходи
Управата за јавни приходи информира дека повратот на средства од мерката „Мој ДДВ“ за скенирани сметки во третиот квартал од...
Се вклучија камерите во Скопје, возачите што ќе направат прекршок ќе добијат опомена
Камерите поставени на сообраќајниците во Скопје од денеска ќе снимаат, возачите што ќе направат прекршок ќе добијат опомена, а од...
Пазарниот инспекторат со засилени контроли во угостителските објекти во пресрет на празниците
Државниот пазарен инспекторат најави засилени инспекциски надзори во угостителските објекти во пресрет на претстојните празници и зголемениот број прослави. Целта,...
(Видео) Николоски: Пробиени 17 километри за обиколување на Стража на автопатот Гостивар – Букојчани
Интензивно се одвиваат градежните активности на автопатот Гостивар – Букојчани, кој е дел од Коридорот 8, на релацијата Скопје –...
Синдикатот на вработените на клиниките против реорганизацијата – прераспределбата на кадри може дополнително да ја наруши стабилноста на здравствениот систем
Самостојниот синдикат на вработените во универзитетските клиники, центрите, клиничките болници и други јавни здравствени установи (ССКЦ) предупредува дека предложената внатрешна...
Врховниот адмирал на НАТО: Размислуваме за поагресивен пристап против Русија
НАТО размислува за заземање поагресивен став како одговор на руските кибер-напади, саботажи и нарушувања на воздушниот простор, изјави највисокиот воен...
Хакирани 120.000 камери во домови и гинеколошки ординации во Јужна Кореја, снимки со експлицитна содржина продавани на интернет
Четири лица се уапсени во Јужна Кореја за наводно хакирање повеќе од 120.000 видеокамери во домови и бизниси и користење...
ЕУ го предупредува Трамп: Путин мора да одговара за воените злосторства
Висок функционер на Европската Унија предупреди дека мировниот план на Доналд Трамп за Украина не смее да го ослободи Владимир...
Трамп: Украина има сериозни проблеми
Претседателот на САД, Доналд Трамп, изјави дека е оптимист по разговорите меѓу украинските претставници и неговата администрација за начините за...
Родителите прават штета кога инсистираат нивните деца да добиваат петки без соодветно знаење, вели Јаневска
Проблемот со „петките“ во земјата е навистина сериозен и од моето долгогодишно, веќе пет-шест години со контактите со наставниците, тој...
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави...
