Црна хроника
“Метастаза“ – сведоците на обвинителството лажат, тврди обвинителот
Судскиот процес „Метастаза“ продолжи со распит на првите сведоци. Тоа се сведоци на обвинителството кои добиле инвалидски пензии и за кои платиле поголеми суми пари. Беа сослушани неколкумина кои кажаа дека ниту платиле пари ниту ги познаваат докторите ниту пак се сеќаваат кога оделе на лекар
Сите сведоци кажаа дека се тешко болни луѓе кои поради семејни трагедии или други причини станале депресивни или агресивни личности. Некои додека сведочеа плачеа. Оделе по психијатриските болници и посетувале лекари. Примале терапија и апчиња но во судница ретко кој од нив можеше да препознае некој од лекарите што го лекувал. Дури изјавуваа дека не се сеќавале што јаделе претходниот ден и дека не знаат каква терапија примаат бидејќи секогаш се со придружба која се грижи за нив. Жена болна од депресија поради смрт на синот и мајката во детали кажа како и каде се лечи, дека за нејзината пензија не платила три илјади евра, како што пишува во обвинението. Еден од сведоците дури и препозна лекар за кој кажа дека го лекувал во државна болница, а обвинетата лекарка всушност е психијатар во болница Бардовци. Еден од сведоците кажа дека боледува од шизофренија и за тоа има документација. Сведоците нејасно зборуваа и не знаеја да кажат кога се разболеле. Тешко се изразуваа, но сите на прашањето дали дале пари за инвалидски пензии кажаа одречно не. Додека зборуваа сведоците во судската сала присутните се смееја. Судијата што го води процесот наместо да ги опомене на некои од сведоците им поставуваше прашања, за потоа кога ќе го чуеше одговорот заедно со адвокатите гласно и тој да се смее. Жена сведок, со психички проблеми му рече : “Што се смеете, ништо не е смешно”. На сите сведочења реагираше обвинителот и приговараше дека неговите сведоци лажат. Судскиот процес против лекари и нивни соработници обвинети за примање пари за да одобрат инвалидски пензии продолжува со сослушување на нова група сведоци на обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.