Свет
ОН користеа санкционирана сириска авиокомпанија за транспорт на помош до Либија
Обединетите нации користеле сириска авиокомпанија санкционирана од САД- обвинета за пренесување борци и оружје во име на Башар ал-Асад и Калифа Хафтар- за транспорт на помош до Либија, пренесува „Мидл Ист ај“.
Фотографиите објавени на Твитер од Светската здравствена организација покажаа дека официјалните лица растовараат хуманитарна помош од авионот на „Шам вингс“ на меѓународниот аеродром „Бенина“ во Бенгази.
„Заради ситуацијата на теренот, опциите за авионска испорака на товар во Либија се минимални“, се вели во соопштението.
Во 2016 година, Министерството за финансии на САД воведе санкции за „Чам вингс“ за соработка со владата на Сирија за транспорт на милитанти кои ќе се борат за сирискиот режим и му помагала на Сириското воено разузнавање (СМИ) да пренесува оружје и опрема за сирискиот режим.
Министерството за финансии соопшти дека авиокомпанијата дејствувала во име на силите Кудс, единица на ИРГЦ која одигра голема улога во поддршката на Асад во сириската граѓанска војна.
„Летот на „Шам вингс“ од Дамаск до Дубаи беше една од главните рути што СМИ ги користеше за перење пари низ целиот регион, при што СМИ им плаќаше на сите вклучени страни за да продолжат со деловните активности со режимот на Асад“, соопшти Министерството за финансии.
The World Health Organization (#WHO) continues to provide humanitarian assistance aid to the people of #Libya. More than sixteen tons of medicines, supplies and equipment dispatched from WHO warehouses in #Dubai have just arrived at #Benina International Airport in #Benghazi. pic.twitter.com/iwIustDyUi
— World Health Organization in Libya (@WHOLIBYA) January 11, 2021
Портпаролoт на Светската програма за храна (WFP) изјави дека ја користеле авиокомпанијата за транспорт на 16 тони помош од ОАЕ до Либија.
„Поради ситуацијата на теренот, опциите за испорака на авионски товар во Либија се минимални, а во овој случај, медицинскиот товар на СЗО беше пренесен од авиопревозникот ‘Чамс вингс’ која не подлежи на санкции на ОН“, рече портпаролот.
Авиокомпанијата „Чам вингс“ со седиште во Дамаск е во мнозинска сопственост на сирискиот милијардер Рами Махлуф, братучед на Асад, кој до неодамна беше најмоќниот бизнисмен во земјата.
Иако авиокомпанијата не е санкционирана од ОН, експертскиот панел на ОН минатата година утврди дека помеѓу 1 јануари и 10 март имало најмалку 33 лета на „Шам вингс“ од Дамаск до Бенгази, кои веројатно носеле сириски платеници во спротивност со забраната за меѓународно оружје за Либија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.