Црна хроника
Камион излета од мостот кај Отовица на автопатот Велес Скопје
Камион марка Мерцедес утрово излета од мостот кај Отовица на автопатот Велес-Скопје, во близина на езеро Младост. За среќа возачот на камионот, дваесет иосум-годишниот Ване Трајковски од Скопје, остана жив
Во велешката болница лекарите му ги санирале повредите на главата, рбетот и раката. Но поради недостиг од томографски апарат во болницата, пациентот Ване Трајковски е префрлен во Ургентен центар во Скопје.„Пациентот е донесен во 12.30 часот со сериозни повреди на главата, повреда на кичмата и на обата скочни зглобови. Направена е примарна обработка на повредите, изваден е од шокова состојба и испратен во Ургентен центар во Скопје. Надвор е од животна опасност“, изјави хирургот др. Влатко Вишинов за порталот Лисица.Сообраќајната несреќа се случи околу десет и триесет часот. Жителите на Отовица најпрво слушнале силна експлозија, потоа уште една помала и го виделе камионот превртен на пругата Велес- Кочани, а оградата на мостот скршена. Тие веднаш притрчале во помош и ја повикале Брзата помош и пожарникарите. Возачот го нашле во свесна состојба но едната рака му била заглавена од воланот. Речиси два часа пожарникарите се обидуваа да го извлечат од камионот. Претпоставуваат дека пукнатата предна гума на камионот е причина за излетувањето.„Кога ја слушнав експлозијата излегов надвор и овчарот почна да вика по мене. Помислив дека него нешто му с еслучило но потоа го видов камионот превртен на пругата. Сликата беше страшна, Истрчавме заедно со уште неколку соседи и го видовме возачот кој час беше во свесна состојба, час се губеше. Десната аркада му беше однесена и коската му се гледаше, левата рака му беше заглавена во воланот, но не знаевме дали му се заглавени нозете. Веднаш повикавме брза помош и пожарна“, рече очевидец.Трајковски имал голема среќа, велат мештаните, што камионот паднал на пругата. Ако излетал на само неколку метри подолу на мостот, ќе звршел фатално. Таму провалијата е висока триесетина метри. Пред неколку години ова место било кобно за босански возач на камион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.