Црна хроника
Водач на руска банда осуден на доживотен затвор за 16 убиства
Водач на банда во Русија и двајца негови соучесници се осудени во вторникот на доживотни затворски казни поради 16 убиства, меѓу кои е и масакрот на 12 луѓе на една фарма во јужниот дел од земјата во 2010 година.
Сергеј Цапок, на 37-годишна возраст и членовите на неговата банда во 2010 година убиле локален фармер, неговото семејство, меѓу кои четири деца и нивните гости во селото Крушчевскаја во регионот Краснодар, образложи во пресудата судот.
Истрагата смета дека Цапок мислел оти убиениот фармер Сервер Аметов е вмешан во убиството на неговиот брат. Напаѓачите по убиствата ја запалиле куќата на Аметов за да ги сокријат трагите за злосторството.
На почетокот од ноември судот во Краснодар го осуди Цапок и пет членови на неговата банда за 16 убиства, за грабеж и за сексуално насилство. Двајца членови на бандата се осудени на доживотен затвор, двајца на 20-годишна затворска казна, а еден на 19 години.
Во текот на 2011 година Русија со 140 милиони жители ја имаше највисоката стапка на бројот на убиства, со повеќе од 13.500, според податоци на Обединетите нации./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Валандово најден починат дома, ќе се прави обдукција
Вчера во 18.30 часот во полициската станица Валандово било пријавено дека во својот дом во градот бил пронајден починат Б.Е.(56), соопшти МВР.
Лекар од итна медицинска помош констатирал смрт, а по наредба на јавен обвинител телото на починатиот било дадено на обдукција.
Црна хроника
Притвор и кривична пријава за убиство доби осомничениот маж од Стајковци
СВР Скопје поднесе кривична пријава против Љ.К.(66) од скопското село Стајковци поради постоење основи на сомнение за сторено кривично дело „убиство“ по член 123 од Кривичниот законик.
Како што информира денеска МВР, Љ.К. се сомничи дека на 14 мај 2024 во домот во село Стајковци со метален предмет ги нападнал неговиот брат В.К. (64) и неговата снаа С.К. (57), кои од здобиените повреди починале на местото.
Лицето било изведено пред судија на претходна постапка, кој му определил мерка притвор во траење од 30 дена.
Топ
Бебе почина во болница во Охрид
Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе.
Бебето претходно во Службата за итна медицинска помош било донесено во неконтактибилна состојба. Увид бил извршен, а по наредба на јавен обвиниел телото е дадено на обдукција, информираат од СВР Охрид.
Пред неколку дена, на 14 мај 2024 година, почина седуммесечно бебе од Вевчани во специјалната болница за ортопедија и трауматологија „Св.Еразмо“ по извршен хируршки зафат.
Бебето било донесено во болница од неговата мајка. Според пријавеното, било примено во болницата со хематом на главата и по констатирано мозочно крварење веднаш била извршена операција.
Според изјавата мајка, повредите бебето ги добило откако паднало од импровизиран кревет во семејниот дом во Вевчани.