Црна хроника
Разбиена меѓународна банка компјутерски криминалци
Повеќечлена група лица од Македонија, Србија и Бугарија, украле податоци за над илјади банкарски картички, и од банкомати во Македонија и странство, дури ов Уганда и Тајланд, украле повеќе од четири милиони денари.
Единицата за Компјутерски криминал при Центарот за сузбивање организиран и сериозен криминал при македонското министерство за внатрешни работи во соработка министерствата на Србија и Бугарија, а во координација на СЕЛЕК центарот, разби меѓународна криминална група составена од македонски и српски државјани.
Во акцијата приведени се двајца скопјани, на 29 и 27-годишна возраст, двајца 22-годишници и 39-годишник од Припеп и двајца 31-годишни српски државјани, коишто во во периодот од ноември 2011 до април 2012 година набавувале опрема за изработка на лажни платежни картички. Исто така, осомничените успеале да дојдат и до банкарски податоци од вистински платежни картички и податоци за носители на тие платежни картички, со помош на кои подоцна изработувале лажни платежни картички кои ги употребиле на банкомати во Македонија.
Досега е утврдено дека за шесте месеци во спомнатиот период, членовите на криминалната група во 20 наврати на банкомати на три македонски банки поставиле уреди за снимање податоци од платежни картици. Во овие случаи членовите на криминалната група успеале да украдат податоци од вкупно 1.111 платежни картички во сопственост на македонски државјани, со кои извршиле вкупно 238 успешни нелегални трансакции со што се стекнале со противправна имотна корист во износ од 4.135.177,00 денари.
Поради основано сомнение дека меѓународна криминална група составена од македонски, српски и бугарски државјани се занимава со вршење на кривични дела поврзани со изработка и употреба на лажни платежни картици во координација со СЕЛЕК центарот во јануари 2012 година, со цел размена на информации за криминалните активности на членовите на криминалната група воспоставена е меѓународна истрага во која се вклучени полициските служби на Македонија, Србија и Бугарија.
Од преземените мерки и активности и со примена на посебни истражни мерки е утврдено дека членовите на криминалната група во повеќе градови во Македонија, Скопје, Тетово, Прилеп, Битола, Ресен, Штип и Кавадарци, поставуваат уреди за снимање на податоци од платежни картички. Нелегално обезбедените податоци од платежни картички двјацата скопјани ги носеле во .Бугарија каде што засега неидентификуван бугарски државјанин ги изработувал лажните платежни картички. За услугата им наплатувал по 50 отсто од извадената сума пари или задржувал половина од нелегално обезбедените податоци. Со вака изработените лажни платежни картички, членовите на криминалната група извршиле нелегални трансакции на банкомати на осум домашни банки во Скопје, Тетово, Прилеп и Велес. По доставените пријави од банките за злоупотреба на платежни картички на нивни клиенти во странство, било утврдено дека дел од скимираните податоци од платежни картички се употребени и на територијата на Тајланд и Уганда. Исто така, во периодот додека се преземани мерки и активности од страна на Единицата за компјутерски криминал во содејство со банките во Македонија одземени се два уреда за снимање на податоци од платежни картички кои членовите на криминалната група ги поставиле на банкомати во Скопје и Кавадарци.
На 17-ти април година при обид да постават уред за снимање на податоци од платежни картички на банкомат во Прилеп од страна на припадници на прилепската полиција во координација со Единицата за компјутерски криминал биле приведени тројцата прилепчани. При извршениот личен претрес, како и при претрес во возилото на еден од групата биле пронајдени два уреда за снимање на податоци од платежни картички.
Од страна на Истражен судија на шестмината од пријавените им е одредена мерка притвор во траење од 30 дена (на српските државјани во отсуство), а на едно лице му е одредена мерка куќен притвор во траење од 30 дена. Тројца од приведените се познати од порано како сторители на кривични дела од областа на злоупотреба на фалсификувани картички./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.