Свет
Иран се пофали со рекорден извоз на нафта и покрај санкциите на САД
Иран забележа рекордно високо ниво во извозот на нафта и покрај санкциите на САД кон неговиот енергетски сектор, рече во петокот министерот за нафта на Исламската република, а пренесе „Спутник“.
„Нашите непријатели сакаа да ја сведат на нула продажбата на нафта, но нашите несебични партнери ни дозволија да ги надминеме рекордните количества извезена нафта за време на периодот на санкции“, рече Бијан Зангенех за официјалната новинска агенција „Шана“.
Зангане во декември рече дека Иран планира во 2021 година да испумпува 4,5 милиони барели нафта и гасен кондензат на ден и да го зголеми извозот на нафта на 2,3 милиона барели дневно.
Извозот на иранска нафта падна откако претседателот Доналд Трамп ги повлече САД од нуклеарниот договор со Техеран во 2018 година и ги заостри економските санкции за Иран. Исламската Република се надева дека Џо Бајден ќе ги ублажи санкциите кога САД повторно ќе му се приклучат на договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.