Црна хроника
Пијани штипјани претепале полицајци
Тројца пијани штипјани физички се пресметувале со полицајци на бензинската пумпа „Ваго Петрол“ во Штип.
Настанот се случил во саботата, кога М.Ј.(61) од Штип бил физички нападнат од страна на Д.С.(25) од Штип, при што му било оштетено и неговото такси возило „опел астра“. При интервенција на полицијата, Д.С. пружал активен отпор, при што ги удирал полицајците со тупаници и клоци.
Додека службените лица се обидувале да го совладаат Д.С., биле спречувани во намерата од страна на П.А.(23) и М.М.(25), двајцата од Штип.
На полицајците им е укажана лекарска помош во Клиничка болница Штип каде им се констатирани телесни повреди. Извршено е алкотестирање и кај Д.С. е утврдено 1.78 промили, кај М.М 1.40 промили и кај П.А. 1.01 промили алкохол во крвта.
По целосно расчистување и документирање на случајот ќе биде поднесена соодветна пријава. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.