Црна хроника
Триесетдневен притвор за гинекологот Марјан Стојовски
Против хирургот гинеколог Марјан Стојовски, раководител на операциските сали на Клиниката за гинекологија и акушерство, кој вчера беше приведен, е поднесена кривична пријава за примање поткуп, а истражен судија му одреди 30-дневен притвор, соопшти во сабота МВР
Пријавениот Стојовски како хирург-гиниколог во Клиниката за гинекологија и акушерство во неколку наврати од лице од Кичево побарал и примил 120 илјади денари за да ја оперира неговата сопруга, иако тоа му е обврска во рамки на работните задачи. Оштетениот во текот на минатата и оваа година ја носел сопругата на прегледи кај пријавениот, при што била констатирана дијагноза „тумор на матка“ и требало да и се изврши хируршка интервенција. Гинекологот ги известил пациентката и нејзиниот сопруг дека нејзината здравствена состојба е загрижувачка и се влошува, поради што е неопходна операција што е можно поитно, а за неа требало да платат 80 илјади денари, износ што подоцна го зголемил на 120 илјади денари.Осомничениот хирург барал парите за хируршката интервенција да му ги дадат лично нему, а тој „наводно“ ќе ја направел потребната уплата на сметка на клиниката. Сопругот на пациентката го пријавил случајот на 24 април годинава во Министерството за внатрешни работи по што се преземани мерки и активности за обезбедување докази за откривање на случајот и документирање на кривичното дело. Откако претходно технички биле обработени договорените за исплата 120 илјади денари, во три наврата од по 40 илјади денари, на 13 и на 20 минатиот месец и во петокот, сопругот на пациентката му ги предал парите, што било документирано. При извршен претрес вчера во домот и во работните простории на пријавениот пронајден е дел од технички обработените пари, кои се предмет на кривично дело, во износ од 77.000 денари од кои 47 илјади денари биле во работните простории а другите 30 илјади во неговиот дом.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.