Спорт
Вардар тргна со победа во 10. СЕХА сезона, падна Војводина во Скопје
Еден од двата претставника во регионалната ракометнаа СЕХА лига, поранешниот европски шампион Вардар со победа од 25-21 против српска Војводина ја започна новата 10. сезона и тоа по пауза од повеќе од 2 месеци без одигран меч.
„Црвено – црните“ вечерва во СЦ „Јане Сандански“ во Скопје доминираа во текот на сите 60 минути против Војводина, а гостите од Нови Сад единственото водство на мечот го имаа при резултат 0:1.
Оттука започна доминацијата на Вардар. Во првите 30 минути разликата во полза на пулените на Стевче Алушевски одеше максимум до +5, па на полувреме се замина со резултат 15-10.
Голот на мечот е за Стојанче Стоилов, шрауба во 6. минута од мечот:
Во вториот дел продолжи доминацијата на домашната екипа, а најголемото водство беше од +6 во неколку наврати, последно при резултат 20-14.
Најефикасен на средбата беше играчот на Војводина Младен Шотиќ со 6 гола, а кај Вардар 1961 со по четири погодоци листата на стрелците ја предводеа Тимур Дибиров и Гоце Георгиевски. Голманот Борко Ристовски имаше 10 интервенции.
Вардар 1961 го чека пеколен распоред во февруари.
Освен мечевите против Нексе на 1. и Мотор на 27 февруари, скопската екипа ќе биде пред уште поголеми искушенија и во ракометната Лига на шампиони каде идниот месец ги очекуваат 7 натпревари против Порто на 4., со ПСЖ на 9., со Фленсбург на 11., па дома со ПИК Сегед на 14. февруари. Потоа следува дуелот во Скопје со Елверум на 21. и гостување кај истиот противник на 25. идниот месец.
Фото: SEHA league
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.