Спорт
Батистута го молел докторот да му ги ампутира нозете

Аргентинскиот фудбалски виртуоз, Габриел Омар Батитута денеска го слави својот 52. роденден.
Поради харизматичниот „гаучос“ многу деца несомнено го засакаа фудбалот, и аргентинскиот, но и италијанскиот.
Батистута поникна од Њуелс одл бојс, потоа играше за ривалските Ривер Плејт и Бока јуниорс, а во 1991 година се пресели во Фиорентина каде стекна статус на легенда.
За 9 сезони во виолетовиот дрес постигна 207 гола на 333 меча, а потоа играше уште за Рома, Интер и Ал-Араби.
Рано ја заврши кариерата поради проблемите со нозете, имал голем притисок на вените и артериите, поради што имал потешкотии и при одење. Болката била пресилна, а таквиот живот – ужасен.
„Штом ја завршив кариерата имав проблеми со вените, со коските, ме болеше. Истиот проблем кој Ван Бастен го имаше со 28 години. Имаше денови кога не можев да станам од кревет, плачев од бес. Моето семејство ме бодреше, но патев, бев многу болен“ изјавил популарниот „Бати-гол“ за италијански „Кориере дела Сера“.
„Беше толку лошо што повикав пријател – лекар и го молев да ми ги ампутира нозете. Го молев, го преколнував, инсистирав, му велев дека тоа веќе не е живот. Моите коски на стапалата секогаш беа слаби, кршливи, дисторзиите ме упропастија, никогаш не можев да дадам 100%. Постојано пиев лекови против болка“ – раскажува екс-фудбалерот.
Батистута беше подложен на повеќе операции, ситуацијата не се подобрувала.
Потоа, во 2019 година во Базел (Швајцарија) бил повторно опериран, и сега вели дека се чувствува многу подобро за разлика од претходно.
„Тоа е решението кое го барам веќе 6-7 години“ објасни тој.
Buon compleanno, Gabriel Omar Batistuta ?? #ForzaViola ? #Fiorentina pic.twitter.com/Kp3WgCggUg
— ACF Fiorentina (@acffiorentina) February 1, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин