Спорт
Јануарски трансфери – Папу, Озил, Кабак, Манџо, Дембеле, Кокорин…
Финансиската криза предизвикана од пандемијата на коронавирусот ги погоди несомнено сите фудбалски клубови во светот, големи трансфери минатиот месец немаше, најголемиот дел од преминувањата од еден во друг клуб беа на база на позајмица.
Десетина фудбалски трансфери го одбележаа првиот месец во 2021 година:
Амад Диало – има 18 години и чини 19 милиони фунти, во Манчестер Јунајтед тврдат дека купиле „бисер“. Дојде на „Олд Трафорд“ од италијанска Аталанта.
Себастијан Алер – Трансфер од Вест Хем во Ајакс, доаѓа на местото на Хунтелар (отиде да го спасува Шелке од испаѓање) за дваесетина милиони фунти.
Месут Озил – Заврши сагата во Арсенал, сега е во Фенербахче откако ги „ограби“ во Арсенал со седење на клупа. Ќе му треба време да се врати во форма.
Александер Кокорин – Неодамна беше во затвор, сега се сели во Серија А, во Фиорентина. На негови 29 години првпат прави трансфер надвор од Русија.
Муса Дембеле – Поранешниот играч на Селтик и Лион ќе биде засилување за „јорганџиите“, пред се треба да ја пополни празнината по заминувањето на Диего Коста. Одличен партнер во нападот за Луис Суарез.
Марио Манџукиќ – Повеќе од 6 месеци беше без клуб, се шпекулираше трансфер во Турција, односно Русија, на крај заврши во Милан, ќе се бори за титулата покрај Ибрахимовиќ.
Алехандро Папу Гомез – Доскорешниот капитен на Аталанта се „зајаде“ со тренерот Гасперини и мораше да си оди. За само 6 милиони евра Севилја доби големо засилување.
Доминик Собослај – Повторно соработка на релација Салцбург – Лајпциг, младиот Унгарец го бараа бројни клубови, на крај заврши во Бундеслигата за 18 милиони фунти.
Мартин Одегард – Младиот Норвежанец од Реал на позајмица во Арсенал. Во Сосиедад имаше одлични партии, следен предизвик му е Премиерлигата.
Озан Кабак – Си отиде од Шалке, да ја пополни празнината во одбраната на Јирген Клоп. Оди на позајмица до лето
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.