Спорт
Солскјер признава: Манчестер јунајтед не се кандидати за титула

Оле Гунар Солскјер вели дека Манчестер јунајтед не се кандидати за титулата и дека тој никогаш не го кажал тоа, објаснувајќи дека медиумите сакаа да направат таква слика.
„Ѓаволите“ беа на секунди да се израмнат со Манчестер сити на врвот на табелата (со два натпревари повеќе), но во последните секунди примија гол за 3:3 реми со Евертон во саботата. Два од трите гола кои ги примија Јунајтед беа предмет на грешки и Солскјер признава дека тоа го исфрустрирало.
„Игравме добар фудбал во второто полувреме, но примивме три гола од три удари. Кога ќе направите такво нешто, нормално дека сте разочарани. Не сакам да обвинувам никого, но можевме да одиграме подобро на трите гола. Резултатите го прават расположението и сега загубивме два поени. Титули? Ние не зборуваме за освојување титули. Тимот е многу подобрен, но не треба да не сметаат за кандидати за титулата. Тоа се муабети кои ги правите вие медиумите. Ние само треба да бидеме подобри како тим и да видиме каде ќе завршиме. Но, ако сакаме да одиме напред, не смееме да дозволуваме лесни голови“, објаснува Солскјер.
Калверт-Лувин во 95.минута им ја украде победата на Манчестер јунајтед
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Калум Вилсон во Вест Хем

Калум Вилсон ќе го носи дресот на Вест Хем следната сезона. Вилсон се согласи на едногодишен договор со „Чеканите“.
Вислон е слободен агент од крајот на претходната сезона и завршувањето на неговата соработка со Њукасл.
Вилсон одигра 130 натпревари за Њукасл и постигна 49 гола, но клубот и играчот не успеаја да се договорат за продолжување на соработката во сезоната 2024/25.
Триесет и тригодишникот одигра само 25 натпревари, само на два беше стартер.
Според Би-Би-Си, Вилсон имал неколку интересни понуди и од Премиер лигата и од МЛС, но конечната одлука била да се пресели во Вест Хем.
Спорт
Французите открија каква улога ќе има Новак во Ле Ман

Веста дека најдобриот тенисер на сите времиња, Новак Ѓоковиќ, ќе стане косопственик на францускиот второлигаш Ле Ман дојде како гром од ведро небо.
Еден ден подоцна, со оваа тема се занимаваше и францускиот „Лекип“, кој откива каква би била улогата на познатиот тенисер во овој клуб со богата традиција.
Ѓоковиќ се приклучи на бразилскиот фонд „Оутфилд“, кој е нов инвеститор во клубот од Ле Ман, треба да има улога на советник и амбасадор на клубот.
Додека присуството на Фелипе Маса и Кевин Магнусен, добро познати имиња од Формула 1, меѓу инвеститорите на фондот „Оутфелд“ е логично со оглед на историјата на градот Ле Ман и автомобилизмот, вклучувањето на Новак Ѓоковиќ отвора повеќе прашања, пишува „Лекип“.
Србинот доаѓа заедно со бразилскиот претприемач Георгиос Франгулис, партнер на светската тенисерка број 1 Арина Сабаленка и основач на брендот „Оукбери“, кој е присутен низ целиот свет.
Инвестицијата на Ѓоковиќ не е само финансиска или симболична, што се докажува со објавата што ја сподели со своите 16 милиони следбеници на Инстаграм во петокот. Педро Оливеира.
„Тој и другите спортисти ја делат нашата визија за овој проект. Тие ќе имаат советодавна улога, но ќе бидат и амбасадори на брендот. Фелипе и Кевин ќе градат врски со светот на автомобилизмот, додека Новак ќе го донесе својот шампионски дух, својот поглед на врвното натпреварување. Тој го сака фудбалот. Тој инвестира во фудбалски клуб за прв пат и е многу возбуден.“
Според „Лекип“, Гоме се надева дека легендата на светскиот тенис би можела да игра на егзибицискиот натпревар. Сепак, прославата се случува на средина од Мастерсот во Шангај, кој Ѓоковиќ го освои четири пати, но беше поразен од Јаник Синер (7:6, 6:3) во финалето минатата година…
Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.