Македонија
(Видео) Заев: СДСМ се менува, приклучете се на социјалдемократското семејство
„СДСМ ја ужива довербата од граѓаните, победува но и постојано се менува, се подобрува. Ние се менуваме за подобро да им служиме на граѓаните, на нашата заедничка татковина.Само реформирана, демократска партија која постојано се унапредува, се менува на подобро, којашто се унапредува и се подобрува во секојдневното свое работење може да ги менува на подобро и работите во земјата“, изјави претседателот на СДСМ, Зоран Заев.
Според него, веќе во тек е процесот на ажурирање и активна регистрација на членството на СДСМ.
„Правиме уште еден чекор, кон поголема демократизација на партијата. За прв пaт во земјава, на 21 март ќе се одржат директни внатрепартиски избори и тоа ќе го направи СДСМ.Членовите на нашата партија ќе бираат претседател на СДСМ, што е врв на внатрепартиската демокарија.Она што особено ме радува, паралелно на овој процес имаме и пристапување нови членови.Денеска се сретнав со неколку млади луѓе, кои се зачленија, се приклучија на СДСМ, на кои им посакав добредојде во социјалдемократското семејство.Радува тоа што кон партијата се приклучуваат прогресивни луѓе кои сакаат да дадат придонес во промените на партијата а со тоа, заедно да го менуваме, да го подобруваме општеството.СДСМ покажа внатрешен капацитет да се менува и тоа гледам дека е препознаено од граѓаните.
Секако дека СДСМ има свои недостатоци, но се менуваме, се подобруваме.Се откажавме од старите, погрешни салонски навики. СДСМ денеска е партија блиска до граѓаните, прифаќаме критика, поттикнуваме гласност, знаеме да се повлече од одредени иницијативи и да прифатиме подобри редлози.Со СДСМ државата е сигурна, безбедна и стабилна, и покрај сите предизвици растат платите, повеќе пари завршуваат назад кај граѓаните.Наместо да ги туркаме најгорливите проблеми под тепих, се впуштивме во решавање на повеќедецениските прашања кои ја загрозуваа иднината на нашата земја.Затоа денеска сме горди, 30 земја членка на НАТО, исполнета е стратешката цел!Важни се политиките и вредностите кои одредена партија ги спроведува и што од тоа добиваат граѓаните.Затоа сакам да упатам апел на сите кои ги делат овие вредности да се приклучат на социјалдемократското семејство.На тимот на СДСМ кој носи напредокот, на тимот на демократијата, слободата, социјлната правда, еднаквоста.Заедно сите здружени, сплотени да ги менуваме работите во општеството кон подобро“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Графика) Лани во Македонија се случиле 108 несреќи при работа, а од нив 15 завршиле со фатални последици
Лани во Македонија се случиле 108 несреќи при работа, а од нив 15 завршиле со фатални последици, покажува најновиот извештај на Македонското здружение за заштита при работа.
„Во 2023 година успеавме да забележиме јавно објавени во електронските и печатените медиуми, како и искомуницирани до нас како Македонско здружение за заштита при работа вкупно 93 несреќи при работа. Би сакале да потенцираме дека оваа бројка е конзервативна и во голема мера не го отсликува вистинскиот број на потешки несреќи на работното место. Следбено на оваа бројка на загинати вработени, стапката на смртни случаи при работа во Македонија изнесува 2,16 односно на секои 100.000 вработени, 2 вработени гинат на работното место во 2023 година. Кога пак како параметар ќе се земат повредите при работа, тогаш стапката на повреди при работа за 2023 година изнесува 13,42, што покажува дека на секои 100.000 вработени, потешко се повредуваат околу 13 до 14 вработени“, пишува во извештајот.
Во однос на градот во кој се случила несреќата, Скопје е град со најголем број на несреќи. По Скопје следат Битола и Прилеп.
Според извештајот, во 2023 година најмногу несреќи има во Преработувачката индустрија 29, по што следи Градежништвото и Јавна управа и одбрана 22. Најголем број на несреќи кои резултирале во смрт има во дејностите на градежништвото 7, дејностите на домаќинства како работодавачи 3 и преработувачка индустрија и рударство по 2.
„Дејностите на домаќинства како работодавачи во голем дел ги опфаќаат земјоделските работи на своите имоти. Доколку овие лица се
регистрирани како земјоделци, тогаш голем дел од повредите би се припишале на дејноста земјоделство. Најголемиот број на несреќи во оваа дејност се случиле со земјоделска машина – трактор, при вршење на земјоделски работи, транспорт или при учество во сообраќај“, се вели во извештајот на Македонското здружение за заштита при работа.
При оваа анализа утврдено е дека најголем број смртни случаи имало во петок 7, по 2 понеделник, четврток и сабота. Исто така најголем број на повреди имало во петок, додека во другите денови од неделата бројката се движи понеѓу 11 и 14 повредени.
Според резултатите, најмногу несреќи се случиле во месец април – вкупно 18. Бројот на смртни случаи, е најголем во месец септември – 3.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.