Регион
Бајден побара од Вучиќ признавање на Косово, реагираа Белград и Приштина
Американскиот претседател, Џо Бајден, го честита Денот на државноста на Србија потенцирајќи ја потребата за меѓусебно признавање со Косово.
„Остануваме непоколебливи во поддршката на целта на Србија за европска интеграција. Ве охрабруваме за воведување на потребните реформи и постигнување на сеопфатен договор за нормализација со Косово, кој е фокусиран на меѓусебно признавање“, се наведува во честитката на Бајден до Александар Вучиќ.
По тој повод, српскиот претседател одговори дека меѓусебното признавање не е наведено во ниту еден акт на која било светска организација, ниту во ЕУ, ниту во која било резолуција.
„Разбираме дека тоа е американска политика. Постоеа обиди да се наметне таа фраза како нешто што требаше да го прифатиме како конечно решение. Им кажав лично во Белата куќа што мислам за меѓусебно признавање и мојот одговор нема да биде поинаков. Какви честитки би можел да испратам за Денот на независноста на САД, многу идеи ми паѓаат на ум, но мојата улога е да ги штитам интересите на Србија“, истакна денеска Вучиќ.
Реагираше и косовскиот премиер, Авдулах Хоти, кој, пак, се заблагодари на американскиот претседател Џо Бајден на пораката. Тој оцени дека ова покажува дека Косово и натаму е приоритет на американската агенда.
„Кога имате силни пријатели. среќата чука на врата. Ве предупредив!. Ви благодарам претседателе Бајден“, напиша Хоти, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.
Регион
Обвинителството бара продолжување на притворот на осомничените за убиството на двегодишната Данка
Вишото јавно обвинителство во Заечар му предложило на судот продолжување на притворот на Срѓан Ј. и Дејан Д., осомничени за убиството на двегодишното девојче Данка Илиќ за уште 30 дена.
Осомничените се во притвор од 6 април поради ризик од бегство, можност за влијание врз сведоци и уништување или отстранување на трагите на делото, како и вознемирување на јавноста.
Во притвор е и таткото на Дејан Д. под сомнение дека му помогнал на синот да го премести телото на девојчето.
Полицијата по 10-дневна потрага и детална проверка на сите трагови и информации, ги уапси С.Ј и Д.Д. за кои се сомнева дека девојчето го удриле со автомобил а пото нејзиното тело го ставиле во багажникот на колата и го однеле на депонија.
Телото на девојчето кое исчезна на 26 март во Бањско Поље кај Бор се уште не е пронајдено.