Црна хроника
Операција „Беса“ – шверцот го помагале затвореник, затворски чувар и полицаец
Во полициската операција Беса синоќа се запленети скоро 11 килограми чист хероин во вредност од 200.000 евра и уапсени се 11 лица кои учествувале во меѓународниот шверц на хероинот. Хероинот поминувал низ Турција, Грција и Македонија, а бил наменет за западно европскиот паза
Во четвртокот околу 12:20 часот на влез во Македонија на граничниот премин „Стар Дојран“ автомобил „Рено Лагуна“ било однесено на детален преглед на царинскиот терминал на граничниот премин „Богородица“. Во специјално направени бункери во праговите на возилото биле пронајдени 20 пакувања со поединечна тежина од околу 200 грама хероин, облепени со селотејп и индиго, обложени со алуминиумска фолија и прицврстени со челична сајла заради полесно извлекување од бункерите. Возачот на автомобилот, кој што бил бугарски државјанин бил приведен,а дрогата била однесена на вештачење во МВР.Во текот на ноќта и утрово приведени се вкупно 11 лица, за кои постои сомнение дека учествувале во шверцот. Меѓу приведените е и поранешен полициски службеник кој минатата година бил уапсен бидејќи им овозможил нелегален влез на две лица од Косово, еден осомничен за убиството во „Чаирчанка“, а другиот осомничен за нападот врз поштенското комби и врз припадниците на алфите на „Гази Баба“. Меѓу шверцерите бил и затвореник од Идризово кој за време на викендите и отпустите контактирал и ги координирал другите лица од групата. Се трага по уште шест лица кои се осомничени како дел од криминалната група и кои во моментов се во бегство. Речиси сите од приведени имаат дебели криминални досиеја. При претресите во домови и други простории во Скопје и Велес кај 16 лица, членови на криминалната група, пронајдени се една скратена ловечка пушка, еден пиштол, еден гасен пиштол, помала количина дрога, околу 400.000 денари и телефонски картички.Против инволвираните во шверцот со хероин ќе следуваат кривични пријави. „По повеќемесечната истрага од страна на Одделот за недозволена трговија со дрога при МВР во врска со оваа криминална група, а во соработка со полициските служби на Бугарија, Србија и Косово во текот на минатата година реализирани се два случаи на заплена на хероин, при што во Р.Србија запленети беа 505 грама хероин и на ГП „Деве Баир“ на влез во Р.Македонија се запленети 595 грама хероин“ соопштуваат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.