Свет
Бајден ги одобри санкциите против Мјанмар

Американскиот претседател Џо Бајден ја одобри извршната наредба за воведување санкции против одговорните за пучот во Мјанмар од 1 февруари.
Бајден рече дека наредбата ѝ дозволува на неговата администрација итно да воведе санкции против воените лидери кои го воделе пучот, што ќе ги вклучува и нивните деловни интереси и членовите на нивните семејства“, пренесува „Ројтерс“.
Претседателот на САД рече дека оваа недела Вашингтон ќе ги утврди главните одговорни лица, како и дека ќе воведе построга контрола при извозот во Мјанмар.
САД се подготвени да воведат дополнителни мерки, рече претседателот на САД.
Власта во Мјанмар ја држи армијата, која со државен удар ја симна од власт премиерката Аунг Сан Су Чи.
Таа е во притвор и полицијата покрена обвинение против неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кого убија Израелците во нападот врз Иран? Воени шефови, нуклеарни научници…

Според иранските државни медиуми, неколку високи ирански воени функционери и нуклеарни научници беа убиени во израелската операција „Rising Lion“, чија цел беше да се спречи напредокот на нуклеарната програма на Иран.
Досега е потврдено дека следните лица се мртви:
Хусеин Салами, командант на Корпусот на Иранската револуционерна гарда (ИРГЦ)
Голамали Рашид, командант на Генералштабот на Хатам-ал Анбија
Ферејдун Абаси, нуклеарен научник и поранешен шеф на Организацијата за атомска енергија на Иран
Мохамед Мехди Техранчи, нуклеарен физичар поврзан со програмата за развој на нуклеарно оружје на Иран
Мохамед Багери, началник на Генералштабот на иранските вооружени сили
Исто така, според ирански извори, Али Шамхани, висок советник на врховниот лидер ајатолахот Али Хамнеи, беше сериозно повреден.
Свет
Израелскиот министер за одбрана: Ова е клучен момент во историјата на Израел

Израелскиот министер за одбрана Израел Кац изјави непосредно пред почетокот на нападот врз Иран дека ова е „клучен момент во историјата на Државата Израел и во историјата на еврејскиот народ“.
„По преземањето на функцијата, спречувањето на нуклеарната програма на Иран го направив апсолутен приоритет“, рече Кац, додавајќи дека „Иран е порешителен од кога било да ја реализира својата визија за уништување на Израел“.
Тој додаде дека Израел е во „критична точка“ и предупреди: „Ако ја пропуштиме, повеќе нема да имаме начин да го спречиме Иран да добие нуклеарно оружје што би го загрозило нашето постоење“.
Тој заклучи дека Израел дејствувал против сојузниците на Иран во регионот во изминатите година и пол, но дека сега „се справува со главата на змијата“.
Свет
Трамп: Знаевме однапред за израелскиот напад, но не учествувавме

Претседателот на САД, Доналд Трамп, изјави за „Фокс њуз“ дека однапред знаел за израелските планови за напад врз Иран, но нагласи дека американската војска не била вклучена во операцијата.
Трамп рече дека САД сè уште сакаат да се вратат на преговарачката маса со Иран за да ја ограничат неговата нуклеарна програма.
„Иран не може да има нуклеарна бомба и се надеваме дека ќе се вратиме на преговорите. Ќе видиме“, рече Трамп.
Тој додаде дека неколку ирански лидери биле убиени во нападот и коментираше дека „некои од раководството никогаш повеќе нема да ги видиме“.
Трамп исто така рече дека неговата администрација контактирала со клучен сојузник на Блискиот Исток кратко пред нападот, но не откри за која земја станува збор.