Свет
Уапсени Сиријци, планирале напади во Германија и Данска
Германските и данските власти уапсија тројца Сиријци под обвинение дека планирале напади, соопштија обвинителите.
Клаус Тевас, портпаролот на федералното обвинителство во градот Наумбург, изјавил дека е издаден налог за апсење на три лица на возраст од 33, 36 и 40 години минатата недела под сомнение дека подготвуваат сериозен чин на насилство.
Како што се наведува, тие купиле седум килограми хемикалија во јануари, од која може да се направи експлозивна направа.
За време на претресот на становите на осомничените во градот Десау-Рослау, помеѓу Наумбург и Берлин, биле пронајдени 10 килограми барут и фитиљ.
Двајца се уапсени во Данска, каде што се пронајдени повеќе хемикалии, а третиот е уапсен во околината на Франкфурт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.