Црна хроника
Водачите на Балистите ослободени предвреме од притвор
Тетовскиот истражен судија ги ослободи од притвор двајцата припадници на навивачката група Балисти, Шкљзен Мета и Арлинд Мета кои нападнаа две момчиња и полициски службеник, и покрај тоа што пред десетина дена им беше одреден 30-дневен притвор.
Како што стои на сајтот на тетовскиот суд, двајцата биле ослободени од притвор од пред три дена.
„Од страна на Истражниот судија на Основен суд Тетово, судија Ајрула Идризи на ден 19.03. 2012 година донесено е решение Ки.бр. 67/12 со кое е укината мерката притвор на А.М и Ш.М. И двајцата од Тетово согласно чл. 206 од ЗКП“ стои во соопштението објавено на сајтот. Истрагата завршила и сослушани биле сите сведоци на кои осомничените би можеле да влијаат.
Министерот за правда, Блерим Беџети во однос на овој случај вели дека тој не ги контролира судовите.
„Ќе се обратите до судот и ќе побарате дополнителни информации. Јас не ги контролирам секојдневно судовите, па да знам како постапиле“, рече министерот за правда Беџети.
Двајцата навивачи беа приведени за инцидентот во Тетово во којшто беа нападнати двајца граѓани, а полицаец беше расечен со нож во обид да го расчисти нападот.
Навивачите се ослободени пред двата фудбалски натпревари во Тетово, кои беа прогласени за настани од висок ризик./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.