Спорт
Клоп: Времето е лошо, брадата ми е бела, но имам енергија за Ливерпул
Јирген Клоп ги демантираше шпекулациите во англиските медиуми дека е подготвен да си замине од Ливерпул, велејќи дека не му е потребна пауза и покрај падот во формата на актуелниот англиски шампион.
Шпекулациите кои се појавија во Ливерпул предизвикаа дел од навивачите на клубот да постават банер во знак на поддршка на германскиот стручњак пред „Енфилд“, а 53-годишниот Клоп доби поддршка и на социјалните мрежи. Пред мечот од ЛШ против Лајпциг, Клоп ги демантираше сите шпекулации.
A message from the Kop
to Jurgen Norbert Klopp ✊
Our manager through the highs & lows.#Solidarity pic.twitter.com/35XvgMuJxj— lan Byrne MP (@IanByrneMP) February 14, 2021
„Слушнав за тоа. Банерот е убаво да го видиш, но не е потребен. Не чувствувам дека е потребна дополнителна поддршка во моментов, но убаво е да се види. Што беше другото? Како беше зборот? Дека ќе си заминам? Дали добив отказ или сам си отидов? Ниту едно. Не ми е потребна пауза“, вели Клоп.
По 3:1 поразот од Лестер, Ливерпул имаат само две победи во последните девет меча во Премиер лигата, но Клоп вели дека и покрај ова и трагичната смрт на неговата мајка Елизабет, тој е посветен на клубот.
„На прес-конференции не зборувам за приватни работи, но сите знаеја дека поминавме низ тежок период. Секогаш го средуваме тоа како семејство. Работам како тренер 20 години и можам да ги разделам работите. Кога работам, навистина работам. Не треба да се грижите за мене. Можеби не изгледам најдобро, бидејќи времето е студено и брадата ми обеле и не спијам многу, но имам енергија колку што сакате“, додава Германецот.
Jürgen Norbert Klopp ✊❤️ pic.twitter.com/MXTGKB35hi
— The Anfield Wrap (@TheAnfieldWrap) February 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.