Спорт
Харден им пресуди на Финикс, Јокиќ броеше до 43 во поразот на Денвер
Само Бостон ја искористи предноста на домашниот терен во синоќешните шест натпревар во НБА-лигата. Бруклин Нетс во дербито ја прекинаа победничката низа на Финикс Санс.
Никола Јокиќ индивидуално ја обележа ноќта во НБА-лигата, но неговиот тим не успеа да победи во Бостон. Селтикс победи убедливо со 112:99. Џејлен Браун постигна 27, Џејсон Тејтум 21, а Кемба Вокер 17 поени.
Јокиќ го одигра четвртиот најефикасен меч во кариерата, постигна 43 поени, на кои придодаде шест скока и пет асистенции, но не доби помош од соиграчите, Џамал Мареј постигна 25 поени, но продаде и девет топки.
Лејкерси, без Ентони Дејвис, успешно го минаа гостувањето во Минеаполис. „Езерџиите“ славеа над Минесота 112:104. Леброн Џејмс со 30 поени, 13 скока и седум асистеции го предводеше тимот. Кај Минесота се истакна Ентони Едевардс со 28 поени.
Бруклин победи кај Финикс иако во еден момент беше во минус од 24 поени (73:49). Иако играа без Кевин Дурент и Кајри Ирвинг, Нетс успеа да ја прекине низата од шест победи, во која беа кошаркарите на Финикс.
Џејмс Харден забележа 38 поени, седум скока и 11 асистенции, ветеранот Џеф Грин постигна 18, а Џо Херис 22 поена (15 во второто полувреме). Санс го предводеше искусниот Крис Пол со 29 поени, Девин Букер постигна седум поени помалку.
Резултати:
Бостон-Денвер 112:99
Мемфис-Њу Орлеанс 113:144
Милвоки-Торонто 113:124
Минесота-ЛА Лејкерс 104:112
Оклахома-Портланд 104:115
Финикс-Бруклин 124:128.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.