Свет
Трка на САД и Кина во дистрибуцијата на вакцини во Европа
Претседателот Џо Бајден в петок треба да зборува на виртуелната безбедносна конференција во Минхен. Државниот секретар на САД, Ентони Блинкен, ќе учествува на онлајн-самитот Е3 со Франција, Германија и Велика Британија, а темата се очекува да бидат глобалните предизвици, изјави портпаролот на Стејт департментот, Нед Прајс.
Блинкен исто така ќе учествува на седницата на Советот за надворешни работи на ЕУ по покана на високиот претставник на ЕУ, Жозеп Борел.
„Администрацијата Бајден – Харис е посветена на дијалог и соработка со кинеските партнери почнувајќи од европските партнери“, изјави Прајс.
„Ние разбираме дека европските партнери имаат свои интереси и врски и не ги принудуваме да избираат помеѓу Кина и САД. Но, ние сме загрижени дека Кина користи мултилатерални организации за подобрување на својата економија, национална безбедност и интереси на штета на мирот и просперитетот на другите земји“, додаде тој.
Кинескиот претседател, Шји Џјинпинг, на неодамнешниот самит 17 + 1 објави дека Пекинг ќе го зголеми увозот од пазарите на земјите од Централна и Источна Европа и ќе увезе стока во вредност од 170 милијарди долари во следните пет години.
Како што пренесуваат американските медиуми, Кина веќе извезува вакцини во европскиот регион и го зголемува своето влијание, а првите земји што зедоа кинески вакцини се Србија и Унгарија, која воедно е единствената членка на ЕУ што ги користи затоа што не се одобрени на европскиот пазар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.