Црна хроника
Кривични пријави за тепачката меѓу навивачи на Стража, прекршочни за тепачката во Скопје
Полицијата поднесе 14 кривични пријави за тепачката меѓу навивачите којашто се случи во неделата на магистралниот пат Гостивар – Кичево и пет прекршочни пријави за тепaчката што се случи во центарот нa Скопје.
Тепачката на магистралниот пат Гостивар – Кичево се случи во неделата околу 12.30 часот на Сретковски мост. Навивачите на фудбалскиот клуб од Тетово „Шкендија“ кои со десет автобуси се движеле кон Кичево застанале кај мостот и со бекатон плочки и тврди предмети фрлале кон два паркирани автобуса со црногорски регистарски таблици во коишто се превезувале на навивачи на црногорскиот женски ракометен клуб „Будуќност“.Навивачите од Црна Гора возвратиле со фрлање тврди предмети кон автобусите во кои се превезувале навивачите на „Шкендија“. Во тепачката 11 лица црногорски државјани се здобиле со повреди и се пренесени во Медицинскиот центар Гостивар.Од нив тројца со тешки повреди, меѓу кои едно прободено, итно биле пренесени во Клиничкиот центар во Скопје, а останатите по укажаната лекарска помош се пуштени на домашно лекување. Во тетовската болница биле пренесени и тројца навивачи од „балистите“, навивачката група на „Шкендија“.Кривичната пријава е поднесена против 11 црногорски државјани и против тројца тетовци.За тепачката што се случи во центарот на Скопје меѓу членови на навивачката група „Комити“ и навивачи на „Будуќност“ приведени биле 23 црногорски државјани, а прекршочни пријави се поднесени против четворица црногорски државјани и еден македонски државјанин.Тепачката се случи во неделата попладне во 17.15 часот во Скопје на улицата „Кеј 13-ти Ноември“ во центарот на градот крај Градски трговски центар.Навивачите на ЖРК „Будуќност“ кои пристигнале во Скопје за да го следат ракометниот натпревар, седнале во угостителски објект и по кратко време пристигнале неколку непознати машки лица. Прво меѓу себе си размениле погрдни и навредливи зборови, а потоа си размениле удари со разни предмети кои им биле на дофат од терасите на угостителските објекти, односно се мавале со стаклени шишиња, метални и други предмети. По кратко време навивачите на ЖРК„ Будуќност“ го напуштиле објектот и се упатиле кон хотел „Холидеј Ин“ каде од страна на полициски службеници кои излегле на местото на настанот, биле пресретнати и застанати. Во тепачката потешко повреден бил скопјанец кој бил прен3сен во Ургентниот центар во Скопје. Со телесни повреди се здобиле и две лица од Подгорица. Тие по укажаната лекарска помош во Градската општа болница Скопје, се приведени во Полициската станица Кисел Вода. Приведените црногорски државјани во 23.15 часот биле ослободени од полициската станица и со придружба биле испратени до граничниот премин Блаце./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Запленети 4,8 килограми злато при влез на автобус на ГП Богородица: сообраќал на линијата Истанбул – Гостивар
Царински службеници запленија 4,8 килограми златен накит со проценета вредност од 20,4 милиони денари по контрола на автобус на граничниот премин Богородица при влез во државата.
Имено, царинските службеници на граничниот премин Богородица селектираа автобус што сообраќал на линија Истанбул – Гостивар, при што е извршен детален претрес.
Во пределот за багаж е пронајдена црна торба, во која во 9 пакетчиња обвиени со најлон е откриено злато со тежина од 4,8 килограми. Возачот, кој првично изјавил дека нема ништо за пријавување, по откривање на златото, потврдил дека торбата е негова.
„Нашите царински службеници се грижат за забрзан транспорт на легална трговија, но истовремено ги штитат приходите на државата спречувајќи шверц и криминал. Во случајот е спречено избегнување плаќање увозни давачки во износ од 5 милиони денари“, велат од Царинската управа.
Случајот е преземен од страна на инспекторите од Одделението за истраги при Секторот за контрола и истраги, при што против возачот ќе биде поднесена кривична пријава до Основното јавно обвинителство Гевгелија. Златото во согласност со законот ќе биде предадено во Народната банка.
Црна хроника
Се јавувале на мобилни телефони и лажно нуделе поевтини градежни материјали: кривична за три лица
ОВР Струга поднесе кривична пријава против Б. А. (37) од Скопје, А. В. (33) и И. С. (37), двајцата од Пробиштип.
Тие се сомничат за сторени повеќе кривични дела измама.
Имено, во текот на јануари и февруари оваа година се јавувале на мобилни телефони на повеќе граѓани од Охрид и Струга претставувајќи се лажно како вработени во градежни фирми и им нуделе градежни материјали по поевтини цени.
На тој начин пријавените стекнале противправна имотна корист од 281.600 денари.
Црна хроника
Жена од Охрид претепана од две лица
Вчера, во 17.20 часот, во СВР Охрид е пријавено дека во близина на деловен објект во кој работела, по завршување на работното време, В. Н. (50) од Охрид била физички нападната од Н. М. и уште едно лице.
Се преземаат мерки за целосно расветлување на настанот, соопшти полицијата.
Според надлежните, се очекува да биде поднесена соодветна пријава.