Црна хроника
Граделе околу црква прогласена за културно наследство
Во дворот на црквата „Свети Ѓорѓи“, лоцирана во Старо Нагоричане, полицијата фатила тројца градежници, како изведуваат градежни работи без одобрение од министерството за култура.
Во понеделник, полициски службеници ги затекнале работниците Р.Б.(33), Н.Р.(38) од Скопје, како и геоинженерот Г.К.(66) од Скопје, ангажиран од фирмата “Геофлуид“- Скопје, како вршат ископи без одобрение, при што направиле шест ископини околу црквата поради наводно вршење сондажа на земјиштето а притоа користеле мотики и копачи.
Увид извршила екипа од СВР Куманово во присуство на инспектори за културно наследство од Министерство за култура, Управа за заштита на културно наследство.
Констатирано е дека црквата „Свети Ѓорѓија“ е објект од културно наследство и природна реткост и во Централен регистар на Македонија е заведена како заштитено добро, па поради тоа за каква било интервенција на вакви објекти задолжително треба да се има конзерваторско одобрение издадено од Министерството за култура.
Бидејќи овие лица работеле без одобрение од Министерството за култура, па приведени се во СВР Куманово.
Им се подготвува кривична пријава за сторено кривично дело “Оштетување или уништување на добра под привремена заштита или културно наследство или природни реткости“./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.